पाउलिन्हो बार्सिलोना छाडेर चीनतिर लागे

२५ असार, काठमाडौं – ब्राजिलका मिडफिल्डर पाउलिन्होले बार्सिलोना छाडेका छन् । २९ वर्षीय पाउलिन्हो चिनियाँ पूर्व क्लब ग्वान्झाओ एभरग्राण्ड फर्किने भएका छन् ।

उनले बार्सिलोनामा एक सिजन विताए । ३४ खेलमा ९ गोल गरेका उनले बार्सिलोनालार्इ ला लिगा जिताउन महत्त्वपूर्ण भूमिका खेलेका थिए । विश्वकपमा ब्राजिलले खेलेका सबै खेल उनले पनि खेले । तर विश्वकपलगतै चिनियाँ क्लब ग्वान्झाओले पाउलिन्हो फर्किने भएको घोषणा गरेको छ ।

बार्सिलोनाले पनि यो स्वीकार गरेको छ । तर ट्रान्सफर फि भने सार्वजनिक गरिएको छैन । पाउलिन्होले सन् २०१५ देखि २०१७ मा चिनियाँ लिगमा ६३ खेल खेलेका थिए ।