ट्राफिक अपडेट

९ जेठ, काठमाडौं – कलंकी बल्खु र कोटेश्वर हुँदै चल्ने सवारी साधन यतिबेला चापमा चलिरहेका छन् । विस्तारको क्रममा रहेको कलंकी बल्खु सडकमा सवारी साधनको संख्या बढेसँगै चापको अवस्था सिर्जना भएको हो । कोटेश्वर क्षेत्रमा पनि सवारी साधनको संख्या बढेका कारण चाप रहेको छ । यसबाहेक उपत्यका अन्य मुख्य चोकहरुमा भने सवारी साधन ट्राफिक व्यवस्थापनका क्रममा केही समय रोकिनु पर्ने छ ।

धादिङको बेनिघाट रोराङ गाँउपालीका ९ हुग्दी पुलमा आज बिहान ट्रक अनियन्त्रीत भएर हुग्दी खोलामा खस्दा १ जनाको मृत्यु भएको छ भने २ जना घाइते भएका छन् । मृत्यु हुनेमा ट्रकमा सवार रहेका १ पुरुष व्यक्ति रहेको प्रहरी चौकी जोगीमाराले जनाएको छ । दुर्घटनामा ट्रकका चालक र परिचालक घाइते भएका छन् । घाइते भएका तीनै जनालाई उपचारको लागी राजमार्ग अस्पताल मलेखु पठाइएकोमा १ जनाको भने मृत्यु भएको हो । घाइतेहरुको सोही अस्पतालमै उपचार भैरहेको छ । मृत्तक तथा घाइतेहरुको नाम, थर, वतन खुल्न बाँकी रहेको धादिङ प्रहरीले जनाएको छ । आज बिहान पौने १० बजे, काठमाडौंबाट चितवन तर्फ जादै गरेको ना५ख १५ ६८ नम्बरको ट्रक अनियन्त्रीत भई सडकबाट अन्दाजी ४० मिटर तल खोलामा खसेको थियो ।

मोरङको सुन्दरहरैचा नगरपालीका ४ चिउरा मिलमा आज बिहान नियन्त्रण गुमाएर मोटरसाइकल पल्टीदा चालकको मृत्यु भएको छ । मोरङ विराटनगर ४ का २० बर्षीय असोक गोसाइको मृत्यु भएको हो । को३२प ६४ ६४ नम्बरको मोटरसाइकल आज बिहान ४ बजे, अनियन्त्रीत भएर पल्टीदा गम्भिर घाइते भएका गोसाइको उपचारको क्रममा वि।पि कोइराला स्वास्थ्य विज्ञान प्रतिष्ठान धरानमा मृत्यु भएको प्रहरी चौकी गछीयाले जनाएको छ ।