बेलहियादेखि बुद्धचोकसम्म ५० बुद्ध मूर्ति राखिने

२० वैशाख, बुटवल – बुद्ध जन्मस्थल लुम्बिनीको प्रवेशद्वार मानिने सिद्धार्थनगरको बेलहिया(बुद्धचोक सडक खण्डमा ५० वटा बुद्ध मूर्ति राख्न पहल शुरु भएको छ । बेलहियादेखि बुद्धचोकसम्मको ५ किलोमिटर क्षेत्रमा ६ लेन सडकको बीच भाग ९डिभाइडर० मा हरेक एक सय मिटरको दुरीमा बुद्धमूर्ति राख्ने योजना छ । सिद्धार्थनगरलाई बुद्धमय बनाउन विश्वकै ठूलो बुद्धिष्ट ध्यान केन्द्र धम्मकाया फाउण्डेसन थाइल्याण्डले बुद्ध मूर्ति दिने भएको छ ।

सडकको बीचमा दुबैतर्फबाट देखिने गरी राखिने बुद्ध मूर्ति साढे ३ फिट अग्ला हुनेछन् । सिद्धार्थ बसपार्कभित्र राखिने बुद्ध मूर्ति भने १५ फिट अग्लो हुनेछ । बुद्ध मूर्ति प्राप्तिका लागि स्थानीय सरकार सिद्धार्थ नगरपालिकाले फाउण्डेसनलाई प्रस्ताव पठाउनुपर्ने छ । सिद्धार्थ होटल एशोसिएसनको अवधारणाअनुसार बेलहियादेखि बुद्धचोकसम्म बुद्ध मूर्ति राख्ने पहल थालिएको हो ।