बसपार्कका होटलसँग महिनावारी उठाएर अवैध धन्दा गर्न दिने निरीक्षक रंगेहात पक्राउ

२१ चैत,काभ्रे – अख्तियार दुरूपयोग अनुसन्धान आयोगको टोलीले महानगरीय प्रहरी प्रभाग नयाँ बसपार्कका प्रमुख प्रहरी निरिक्षक हरिहर सुनवारलाइ केहीसमय अघि ५० हजार घुस सहित पक्राउ गरेको छ । आयोगले होटल संचालकसँग घुस लिएको ५० हजार सहित सुनवारलाइ रंगेहात पक्राउ गरेको हो। आयोगका अनुसार निरीक्षक सुनवारले नयाँ बसपार्कमा उच्छृखल गतिवीधी गर्ने होटलहरूबाट महिनावारी तोकेर रकम उठाउदै आएका थिए ।

आयोगका एकजना अधिकारीका अनुसार मंगलबार पनि उनले एक होटल संचालकसँग महिनावारी वापतको ५० हजार माग गरेका थिए । संचालकले २० हजारभन्दा बढि दिन नसक्ने बताएपछि भनाभन भएको थियो । होटल संचालकलाइ रकम दिन दवाब दिएपछि उनी आयोगको सम्पर्कमा पुगेका थिए ।

पक्राउ परेका सुनवारले उठाएको रकम माथिल्लो तहमा समेत बाँडने गरेको पक्राउ गर्न गएका प्रहरी टोलीलाइ भनेका थिए । स्रोतका अनुसार आयोगले प्रहरी निरीक्षक सुनवारको अनुसन्धान बिस्तृत रूपमा गर्दै माथिल्लो तहसम्मलाइ कारवाहीको दायरा ल्याउने छ ।

अरविन्द्र गौतम / काभ्रे