ट्राफिक अपडेट

२० चैत,काठमाण्डौ – सहकारी दिवसको अवसरमा उपत्यका डिल्लीबजारबाट भृकुटीसम्मका लागि र लगनखेलबाट मंगलबजार सम्मको लागि झाँकी सहितको ¥याली भइरकेको छ । जसका कारण यी स्थानको सवारी आवागमनमा सामान्य प्रभाव परेको छ । सहकारी दिवसको अवसरमा उपत्यका डिल्लीबजारबाट भृकुटीसम्मका लागि र लगनखेलबाट मंगलबजार सम्मको लागि झाँकी सहितको ¥याली भइरकेको छ । जसका कारण यी स्थानको सवारी आवागमनमा सामान्य प्रभाव परेको छ । सवारी आवागमन यतिबेला सामान्य रहेको छ । विभिन्न नाकाहरु हुँदै उपत्यका भित्रीने र बाहिरीने सवारी साधन पनि सामान्य तवरले संचालन भैरहेको छ ।

दाङको लमही नगरपालिका ४ अनर्वामा हिजो बेलुकी मोटरसाइकल दुर्घटना हुँदा चालक गम्भीर घाइते भएका छन् । घाइते हुनेमा लमही नगरपालिका ७ गणेशपुर बस्ने २२ वर्षीय अर्पण चौधरी रहेका छन् घाइते चौधरीको मेडिकल कलेज कोहलपुर बाँकेमा उपचार भइरहेको छ । हिजो बेलुकी सवा ८ बजे चौधरी सवार रहेको रा १ प ८६ ६५ नम्बरको मोटरसाइकल नियन्त्रण गुमाएर पल्टिएको थियो ।

बाराको विश्रामपुर गाउँपालिका २ बरैनिया बजार नजिकै हिजो साँझ मोटरसाइकलको ठक्करबाट ७ वर्षीय बालक घाइते भएका छन । स्थानीय हुलास प्रसाद यादबका छोरा विराज घाइते भएका हुन् । घाइते बालकलाई उपचारको लागि विरगञ्ज पठाइएको छ । हिजो साँझ ६ बजे भारतीय नम्बरको मोटरसाइकलले बालकलाई ठक्कर दिएको थियो । ठक्कर दिने मोटरसाइकल सहित चालकलाई सिमा प्रहरी चौकी छतवाले नियन्त्रणमा लिएको छ ।

मोरङको जहदा गाउँपालिका ३ मा गएराती सिटी सफारीको ठक्करबाट मोटरसाइकल चालक गम्भीर घाइते भएका छन् । गएराती सवा ११ बजे को १ ह ७०८५ नम्बरको सिटी सफारीले को १० प २७८० नम्बरको मोटरसाइकललाइ ठक्कर दिएको हो । दुर्घटनामा घाइते भएका मोटरसाइकल चालक स्थानीय २२ वर्षिय सुरेश सहनीको नोवेल अस्पताल विराटनगरमा उपचार भइरहेको छ । मोटरसाइकललाई ठक्कर दिएर फरार रहेका सफारी चालकको खोजी भइरहेको स्थानीय प्रहरीले जनाएको छ ।

ट्राफिक नियम उल्लंघन गरी सवारी साधन चलाउने १ हजार ५ सय ७७ जना सवारी चालकहरु हिजो उपत्यकाका विभिन्न स्थानबाट ट्राफिक प्रहरीको कार्वाहीमा परेका छन् । जसमध्ये जथाभावी यात्रु चढाउने तथा ओराल्ने ३५९ जना र लेन उल्लङ्घन गर्ने १८७ जना चालक रहेका छन् । त्यस्तै जथाभावि सवारी पार्किङ गर्ने ९९ जना, अनावश्यक हर्न बजाउने ८३ जना, जेव्रा क्रसिङमै सवारी साधन रोकेर पैदलयात्रीलाई प्राथमिकता नदिने ४५ जना र मदिरा पिएर सवारी साधन चलाउने २१ जना चालकलाई पनि ट्राफिक प्रहरीले हिजो कार्वाही गरेको छ ।