ट्राफिक अपडेट

१ चैत्र, काठमाडौं – उपत्यकाका विभिन्न स्थानबाट विभिन्न समयमा हराएका १६ वटा दुईपाङग्रे सवारी साधनलाई ट्राफिक प्रहरीले आज धनीलाई हस्तान्तरण गरेको छ । । महानगरीय ट्राफिक प्रहरी महाशाखाका प्रमुख प्रहरी नायव महानिरिक्षक सर्वेन्द्र खनालले धनीलाई १२ वटा मोटरसाइकल र ४ वटा स्कुटर हस्तास्तरण गर्नु भएको हो । मोटरसाइकल हराएको भनि महानगरीय ट्राफिक महाशाखामा दिएको निवेदनका आधारमा ट्राफिक प्रहरीले मोटरसाइकलको खोजी गरेको थियो । ठमेल,महाबौद्ध,टिचिङ,पैयाटार,नारायणटार,बुद्धनगर,बिसालनगर,स्वयम्भु,सातदोबाटो , कपन,महांकाल, धुम्बाराही र गल्फुटारबाट मोटरसाइकल र स्कुटर ट्राफिक प्रहरीले फेला पारेको हो ।मोटरसाइकल चोरीमा संलग्न काठमाडौँको रविभवन बस्ने ४३ वर्षीय चिनलाल पाख्रिन, जोरपाटी बस्ने ३२ वर्षीय मैते कोइराला र सिन्धुपाल्चोक चौताराका २४ वर्षीय सुगम तामाङलाई पनि ट्राफिक प्रहरीले नियन्त्रणमा लिएको छ । उनीहरुलाइ थप अनुसन्धान तथा कार्वाहीको लागि आजै महानगरीय प्रहरी परिसर काठमाडौँ पठाइने ट्राफिक प्रहरी महाशाखाले जनाएको छ ।

ललितपुरको भैसेपाटि नख्खुडोल स्थित आफ्नै डेरा कोठामा एक पुरुष मृत्त फेला परेका छन् । वतन नखुलेका २९ बर्षिय पुरुष ब्यक्ति मृत्त फेला परेका हुन् । आज दिउसो सवा १२ बजे आफ्नै कोठा भित्र सुतिरहेको अवस्थामा उनि मृत्त फेला परेका हुन् । घटनाका सम्बन्धमा अनुसन्धान भईरहेको महानगरीय प्रहरी प्रभाग बुङ्गमती ललितपुरले जनाएको छ । त्यस्तै काठमाडौँको गौरीघाटको खाली जग्गामा आज एक नवजात शिशुको शव फेला परेको छ । आज विहान ८ बजे प्लाष्टिकमा पोको पारेर फालेको अवस्था नवजात शिशुको शव भेटिएको महानगरीय प्रहरी वृत गौशालाले जनाएको छ । घटनाका सम्बन्धमा अनुसन्धान भइरहेको छ ।

रोल्पाको थवाङ गाउँपालिका १ गाबाङको भिरबाट लडेर आज एक बृद्धको मृत्यु भएको छ । मृत्यु हुनेमा स्थानिय ७२ बर्षिय ईख बिर रोका रहेका छन् । हिजोदेखी घरबाट हिडेका उनि आज मध्यान्न १२ बजे भिरबाट लडेको अवस्थामा उनि मृत फेला परेका हुन् । घटनाका सम्बन्धमा थप अनुसन्धान भैरहेको ईलाका प्रहरी कार्यालय थवाङले जनाएको छ । तनहुँको भिमाद नगरपालिका १ उर्दी टोलमा आज आगोले जलेर एक महिलाको मृत्यु भएको छ । मृत्यु हुनेमा स्थानिय ५० बर्षिय मधु सिग्देल रहेकी छिन् । आज दिउसो साढे १ बजे आफ्नो घर देखि ५० मिटर टाढा रहेको खरबारीमा खर जम्मा गरी आगो लगाउने क्रममा सोही आगोले जलेर महिलाको मृत्यु भएको प्रहरी चौकी किहुँ तनहुँले जनाएको छ ।

बाराको प्रसौनी गाउँपालिका ३ प्रसौनीमा आज २ समुहविच विवाद हुने क्रममा कुटपिट समेत हुँदा १ जनाको मृत्यु भएको छ । मृत्यु हुनेमा स्थनीय ६५ वर्षीय गनपत राउत कुर्मी रहेका छन् । आज विहान पौने ९ बजे भएको कुटपिटमा गम्भीर घाइते भएका गनपतको उपचारको लागि अस्पताल लैजाने क्रममा बाटो मै मृत्यु भएको हो । गनपत राउत कुर्मी र सोही ठाउँका प्रमोद पटेल तथा विनोद पटेलको समुह बिच जग्गाको विषयमा विवाद भएको थियो । सोही क्रममा पटेल द्धयले गनपतलाई कुटपिट गरेका थिए । पटेल द्धयलाई जिल्ला प्रहरी कार्यालय बाराले नियन्त्रणमा लिएको छ ।