Monday 17th June 2024

    ईनास मेरिल्याण्डले आयोजना गरेको बनभोज तथा भेटघाट कार्यक्रम    नेपाल चलचित्र कलाकार संघको विचार गोष्ठि भव्यरुपमा सम्पन्न    ३९ विधामा र ६२ अवार्ड प्रदान गर्दै ओप्सना म्युजिक अवार्ड २०२४ सम्पन्न    १२ औं नेपाल अफ्रिका फिल्म फेस्टिबलमा १० देशका २८ चलचित्र चयन    नेपालका ओझासहित विश्वभरबाट ३१ विश्व कविहरूलाई ‘पोएट अफ नेचर अवार्ड’

ट्राफिक अपडेट

Wednesday, March 14, 2018 National Power

३० फागुन,काठमाण्डौ – उपत्यका स्थित कलंकी, कोटेश्वर सुन्धारा नागस्थान, लैनचौर र खानीविभाग हुँदै चल्ने सवारी साधन चापमा चलिरहेका छन् । बिहानको पिक आवरका कारण यी स्थानमा सवारी चापम बढेको हो । सवारी चाप रहेको स्थानमा ट्राफिक प्रहरीले आवगमन समज बनाउने प्रयास गरिरहेको छ ।सवारी चाप रहेको स्थानमा ट्राफिक प्रहरीले आवागमन व्यबस्थापन गरिरहेको छ ।उपत्यका अन्य चोकमा भने सवारी साधन ट्राफिक व्यबस्थापनका क्रममा केही समय रोकिनु पर्ने छ ।

आज बिहान साढे ७ बजे कुखुराको चल्ला बोकेर ओखलढुङ्गाबाट सोलुखुम्बुतर्फ जाँदै गरेको को २ च १३४९ नम्बरको बोलेरो सडकबाट करिब १ सय मिटर तल खसेको थियो । दुर्घटनामा चालक सिद्धिचरण नगरपालिका कै वडा नम्बर १ तलुवाका २१ वर्षीइ शिव कुमार भुजेलको घटनास्थल मै मृत्यु भएको हो । गम्भीर घाइते भएका बोलेरोका परिचालक ओखलढुङ्गा कै मानेभञ्ज्याङ गाउँपालिका ७ टोक्सेलका १९ वर्षीय अर्जुन गौतमको भने ओढु मिसन अस्पतालमा उपचार भइरहेको छ ।

चितवनको भरतपुर महानगरपालिका २९ रिद्धिखोला नजिकै आज २ वटा ट्रक आपसमा ठोकिंदा १ जना घाइते भएका छन् । आज बिहान पौने ५ बजे हेटौंडाबाट सिमेन्ट लिएर काठमाडौँ आउँदै गरेको ना ५ ख ८९८६ नम्बरको ट्रक र विपरित दिशातर्फ जाँदै गरेको ना ६ ख १४३६ नम्बरको खाली ट्रक आपसमा ठोकिएका थिए ।दुर्घटनामा गम्भीर घाइते भएका ८९८६ नम्बरको ट्रकका चालक मकवानपुरको हेटौडा उपमहानगरपालिका ४ का २४ वर्षीय सन्तोष तामाङको भरतपुरमा उपचार भइरहेको छ । दुर्घटना पश्चात् फरार रहेका १४३६ नम्बरको ट्रकका चालकको भने खोजी भइरहेको छ ।

मकवानपुर कै भिमफेदी गाउँपालिका ६ जुरीखेतमा आज विहान सवा ३ बजे विवाद हुने क्रममा कुटाकट समेत हुँदा २ जना घाइते भएका छन् । बाटोमा साइड नदिएको विषयमा बा १५ च ११४४ नम्बरको कारमा सवार ब्यक्तिहरु र बा ४ ख ९९२५ नम्बको ट्रकमा सवार व्यक्तिहरु बिच विवाद भएको थियो । विवादका क्रममा कुटाकुट समेत हुँदा ट्रकका धनि काठमाडौँ दक्षिणकालीका २० वर्षीय दिपेश बलामी र कारमा सवार मकवानपुरको बकैया गाउँपालिका ६ छतिवनका २० वर्षीय मन कुमार खड्का घाइते भएका हुन् । घाइते दुवैलाई उपचारको लागि काठमाडौँ ल्याइएको छ ।

ट्राफिक नियम उल्लंघन गरी सवारी साधन चलाउने १ हजार ५ सय ७३ जना सवारी चालकहरु हिजो उपत्यकाका विभिन्न स्थानबाट ट्राफिक प्रहरीको कार्वाहीमा परेका छन् । जसमध्ये लेन उल्लङ्घन गर्ने २६२ जना र जथाभावी यात्रु चढाउने तथा ओराल्ने २१९ चालक रहेका छन् । त्यस्तै, जथाभावि सवारी पार्किङ गर्ने ११४ जना, मदिरा पिएर सवारी साधन चलाउने ६८ जना र अनावश्यक हर्न बजाउने ३० चालकलाई पनि ट्राफिक प्रहरीले हिजो कार्वाही गरेको छ ।