Tuesday 18th June 2024

    ईनास मेरिल्याण्डले आयोजना गरेको बनभोज तथा भेटघाट कार्यक्रम    नेपाल चलचित्र कलाकार संघको विचार गोष्ठि भव्यरुपमा सम्पन्न    ३९ विधामा र ६२ अवार्ड प्रदान गर्दै ओप्सना म्युजिक अवार्ड २०२४ सम्पन्न    १२ औं नेपाल अफ्रिका फिल्म फेस्टिबलमा १० देशका २८ चलचित्र चयन    नेपालका ओझासहित विश्वभरबाट ३१ विश्व कविहरूलाई ‘पोएट अफ नेचर अवार्ड’

युरोपा लिगमा एथ्लेटिको मड्रिडको सहज जित

Friday, February 16, 2018 National Power

 

४ फागुन,काठमाण्डौ – स्पेनिस क्लब एथ्लेटिको मड्रिडले युरोपा लिग अन्तर्गत अन्तिम ३२ को पहिलो लेगमा जित हात पारेको छ। बिहीबार राति भएको पहिलो लेगमा एथ्लेटिको मड्रिडले डेनिस क्लब एफसी कोपनहेगनलाई ४ – १ ले हराएको हो। एथ्लेटिको मड्रिडलाई जित दिलाउन एन्टोनियो ग्रीजम्यान, साउल निगेज,केभिन गामिरो र भिटोलोले एकएक गोल गरेका छन्। कोपनहेगनका भिक्टोर फिस्चरले एक गोल फर्काएका थिए।

पहिलो हाफको १५ औं मिनेटमा फिस्चरको गोलबाट कोपनहेगनले सुरुवाती अग्रता बनाएको थियो। खेलको २१ औं मिनेटमा निगेजले गोल गर्दै एथ्लेटिकोलाई खेलमा फर्काए। खेलको ३७ औं मिनेटमा गामिरोले गोल गरेपछि पहिलो हाफमा एथ्लेटिकोले २ – १ को अग्रता बनायो।दोस्रो हाफको ७१ औं मिनेटमा ग्रीजम्यानले गोल गर्दै एथ्लेटिकोलाई ३ – १ को अग्रता दिलाए र ७७ औं मिनेटमा भिटोलोले गोल गरेपछि एथ्लेटिकोले ४ – १ को सहज जित निकालेको हो। पहिलो लेगको जितसँगै एथ्लेटिको मड्रिडले युरोपा लिगको अन्तिम १६ मा पुग्ने सम्भावना बलियो बनाएको छ। दोस्रो लेग एथ्लेटिको मड्रिडको घरेलु मैदानमा अर्को बिहीबार हुनेछ।