आजको ट्राफिक अपडेट

२९ माघ,काठमाण्डौ – महाशिवरात्री पर्वको अबसरमा गौशाला स्थित पाशुपत क्षेत्रमा दर्शन गर्न जाने दर्शनार्थिहरुको सुविधालाई मध्यनजनर गरी ट्राफिक प्रहरीले सवारी साधनलाई विभिन्न स्थानबाट डाईभर्सनको व्यवस्था गरेको छ । गौशालातर्फ आउने सवारी साधनलाई चावहिल, पुरानोबानेश्वर, मैतिदेविमोड, तिलगंगा, सिफलचौर, कटुबहाल, गौरीघाट र सिनामंगलबाट डाईभर्सन गरीने भएको हो । त्यस्तै गौशालातर्फ आउने मालबहाक सवारी साधनलाई भने तिनकुने, जोरपाटि नारायणटार पुल र चुच्चेपाटिबाटै प्रबेशमा रोक लगाईने छ ।

सवारी साधन लिएर दर्शन गर्न आउने दशर्नार्थिहरुको सुविधाको लागी ट्राफिक प्रहरीले बिभिन्न स्थानमा पार्किङको समेत ब्यबस्था गरेको छ । तिलगंगा, शिफलचौर, गुहेश्वरी पारिको खालिचौरमा र पशुपति क्षेत्र बिकाश कोषको कार्यालयमा पार्किङको ब्यबस्था गरीएको महानगरीय ट्राफिक प्रहरी महाशाखाले जनाएको छ ।

कालिकोटको खाँडाचक्र नगरपालीका ८ हुन्डाघट्ट भन्ने स्थानमा आज बालुवा लिएर जाँदै गरेको ट्याक्टर दुर्घटना हुँदा एक जनाको मृत्यु भएको छ भने एक जना घाईते भएका छन् । मृत्यु हुनेमा ट्याक्टरका परिचालक खाँडाचक्र ५ का ३५ बर्षिय मिराज हमाल रहेका छन् ।दुर्घटनामा परी घाईते भएका ट्याक्टरका चालक स्थानिय राजेन्द्र हमालको जिल्ला अस्पताल कालिकोटमा उपचार भैरहेको छ । आज बिहान १० बजे भे १ त ३७ २९ नम्बरको ट्याक्टर सडकबाट अन्दाजी १ सय मिटर तल खसेर दुर्घटना भएको प्रहरी चौकी छाप्रे कालिकोटले जनाएको छ ।

चितवानको भरतपुर महानगरपालिका १७ मा आज ट्याक्टरबाट खसेर एक जनाको मृत्यु भएको छ । मृत्यु हुनेमा ट्याक्टरका परीचालक स्थानीय ३१ वार्षीय कान्छा महत्तो रहेका छन् । आज बिहान पौने १२ बजे ना ५ त १३७१ नम्बरको ट्याक्टरबाट अचानक खस्दा महतो गम्भिर घाईते भएका हुन् । घाईते उनको उपचारको लागि सरकारी अस्पताल भरतपुर लैजाने क्रममा बाटोमै मृत्यु भएको हो । ट्याक्टर सहित चालकलाई स्थानिय प्रहरीले नियन्त्रणमा लिएको छ ।