Tuesday 18th June 2024

    ईनास मेरिल्याण्डले आयोजना गरेको बनभोज तथा भेटघाट कार्यक्रम    नेपाल चलचित्र कलाकार संघको विचार गोष्ठि भव्यरुपमा सम्पन्न    ३९ विधामा र ६२ अवार्ड प्रदान गर्दै ओप्सना म्युजिक अवार्ड २०२४ सम्पन्न    १२ औं नेपाल अफ्रिका फिल्म फेस्टिबलमा १० देशका २८ चलचित्र चयन    नेपालका ओझासहित विश्वभरबाट ३१ विश्व कविहरूलाई ‘पोएट अफ नेचर अवार्ड’

विश्वका धनी शहरः न्यूयोर्क पहिलो, मुम्बई १२ औं स्थानमा

Monday, February 12, 2018 National Power

२९ माघ, काठमाडौं – विश्वका धनी शहरहरुको सूची सार्वजनिक भएको छ । यो सूचीमा न्यूयोर्क पहिलो स्थानमा छ । यसैगरी भारतको मुम्बई १२ औं स्थानमा सूचिकृत भएको छ । न्यू वर्ल्ड वेल्थ रिपोर्टले धनी १५ शहरको सूची सार्वजनिक गरेको छ, जसमा कुल ३ हजार अर्ब डलरका साथ न्यूयोर्क पहिलो स्थानमा छ । यसैगरी लण्डन दोस्रो, टोकियो तेस्रो र सनफ्रानसिस्को चौथो नम्बरमा छन् । पाँचौं र छैठौं नम्बरमा क्रमशः चीनको बेइजिङ र सांघाइ परेका छन् ।

भारतको मुम्बईले पनि विश्वको धनी शहरको सूचीमा स्थान बनाएको छ । भारतको प्रमुख आर्थिक केन्द्र मुम्बई सूचीको १२ औं स्थानमा छ । यसको कुल सम्पत्ति ९५० अर्ब डलर छ । मुम्बईमा २८ जना अर्बपति छन् । सबैभन्दा धनी देशहरुको सूचीमा भारत छैठौं स्थानमा छ । भारतमा ८,२३० बिलियन डलर सम्पत्ति छ । शहरको कुल सम्पत्तिको गणनामा शहरमा बस्ने व्यक्तिहरुको निजी सम्पत्ति मात्र गणना गरिएको छ । व्यक्तिहरुको जग्गा, नगद, शेयरलगायतलाई हेरेर सम्पत्तिको मूल्यांकन गरिएको हो । सरकारी कोषको गणना भने यसमा गरिएको छैन ।