इटहरीमा ट्रकको ठक्करबाट मोटरसाइकल चालकको मृत्यु

१९ माघ, सुनसरी – सुनसरीको इटहरी उपमहानगरपालिका ६ मा गएराती ट्रकको ठक्करबाट मोटरसाइकल चालकको मृत्यु भएको छ ।

गएराती पौंने १० बजे ना ४ ख ५९१४ नम्बरको ट्रकले ठक्कर दिदा को ७ प ५० नम्बरका मोटरसाइकल चालक अन्दाजी ३५ बर्षीय पुरुषको मृत्यु भएको हो । उनको सनाखत हुन बाँकी रहेको स्थानीय प्रहरीले जनाएको छ । ट्रकको ठक्करबाट गम्भीर घाईते भएका उनको उपचारको क्रममा वि।पी। कोइराला स्वास्थ्य विज्ञान प्रतिष्ठान धरानमा रातीनै मृत्यु भएको हो । ट्रक सहित चालकलाई ईलाका प्रहरी कार्यालय इटहरीले नियन्त्रणमा लिएको छ ।
#ktmtraffic