Thursday 24th June 2021

    सविता भण्डारीका हत्यारालाई कडा भन्दा कडा कार्वाहीको माग गर्दै विरोध र्याली    आन्तरिक र अन्तर्राष्ट्रिय हवाई उडान खोल्ने सरकारको निर्णय    मन्त्रिपरिषद अब ५ सदस्यीय मात्रै    सर्वोच्चको आदेशपछि यी उपप्रधानमन्त्री, मन्त्री र राज्यमन्त्री पदमुक्त    सर्वोच्चको आदेशपछि यी उपप्रधानमन्त्री, मन्त्री र राज्यमन्त्री पदमुक्त

पेट्रोलियम पदार्थको मूल्य बढ्यो : अब पेट्रोल र डिजेलमा एक तथा ग्यासमा २५ रुपैयाँ

Tuesday, January 2, 2018 National Power


१८ पुस, काठमाडौं  नेपाल आयल निगमले सबै पेट्रोलियम पदार्थको मूल्य बढाएको छ। आयल निगम सञ्चालक समितिको बैठकले डिजेल, मटितेल र पेट्रोलसँगै खाना पकाउने ग्यास र हवाई इन्धनको मूल्य पनि बढाएको छ। इन्डियन आयल कर्पोरेशनले पठाएको नयाँ मूल्य अनुसार सोमबार निगमले पेट्रोल, डिजल र मट्टितेलमा एक/एक रुपैयाँ मूल्य बढाएको हो।

नयाँ मूल्यपछि पेट्रोल लिटरको १ सय २ रुपैयाँ र डिजल तथा मट्टितेल लिटरको ७९ रुपैयाँ पुगेको छ। हवाइ इन्धन आन्तरिकतर्फ तीन रुपैयाँ मूल्य बढेर ९० रुपैयाँ कायम भएको छ।

यस्तै एलपीजी ग्यास प्रतिसिलिण्डर २५ रुपैयाँ मूल्य बढेको छ। उपभोक्ताले अब एक सिलिण्डर ग्यासको १ हजार ३ सय ७५ रुपैयाँ तिर्नुपर्नेछ।

नयाँ मूल्यपछि पनि निगमको नोक्सानी २६ करोड ४० लाख रुपैयाँ रहेको निगमका प्रवक्ता विरेन्द्र गोइतले जानकारी दिए।