Tuesday 18th June 2024

    ईनास मेरिल्याण्डले आयोजना गरेको बनभोज तथा भेटघाट कार्यक्रम    नेपाल चलचित्र कलाकार संघको विचार गोष्ठि भव्यरुपमा सम्पन्न    ३९ विधामा र ६२ अवार्ड प्रदान गर्दै ओप्सना म्युजिक अवार्ड २०२४ सम्पन्न    १२ औं नेपाल अफ्रिका फिल्म फेस्टिबलमा १० देशका २८ चलचित्र चयन    नेपालका ओझासहित विश्वभरबाट ३१ विश्व कविहरूलाई ‘पोएट अफ नेचर अवार्ड’

विमलेन्द्र निधी र राजेन्द्र महतोबिचको लडाईले गर्दा लोकतान्त्रिक गठबन्धन धरापमा

Thursday, November 2, 2017 National Power

१६, काठमाण्डौ,कात्तिक – नेपाली कांग्रेसका नेता डा।प्रकासशरण महतले मधेशमा राजपा–फोरमसँग चुनावी तालमेल हुन नसके पनि स्वस्थ प्रतिस्पर्धा गरिने बताएका छन् । नेपाली रेडियो नेटवर्कको कार्यक्रम नेपाली बहसमा ऋषि धमलासँग कुरा गर्दै नेता महतले सोचे अनुसार तालमेल हुन नसकेको बताउँदै स्वस्थ प्रतिस्पर्धामा उत्रिने सहमति भएको बताए ।


बुधबार अबेरसम्म भएको छलफलले निष्कर्ष निकाल्न नसकेपछि राजपाका नेताहरुले कांग्रेससँगको तालमेल असम्भव रहेको अभिव्यक्ति दिएका थिए । वाम गठबन्धन बनेपछि लोकतान्त्रिक गठबन्धन बनाउने भन्दै अघि सरेको कांग्रेसले अरु दललाई हैसियत अनुसार सिट दिन नमानेपछि लोकतान्त्रिक गठबन्धन कमजोर बनेको आरोप लगाइएको छ ।

राष्ट्रिय जनता पार्टीका अध्यक्षमण्डलका सदस्य राजेन्द्र महतो धनुषा ३ बाट प्रतिनिधिसभा सदस्यमा उम्मेदवार बन्ने भएपछि तालमेल धरापमा परेको हो । कांग्रेसले सोही क्षेत्रबाट विमलेन्द्र निधीलाई उठाउने भएपछि महतोलाई छाड्न आग्रह गरेको थियो ।
महतोले भने गठबन्धनका नाममा एक महिनासम्म वार्ता गर्दा पनि कांग्रेसले सहमति नगरेको र उसले एकतर्फी रुपमा उम्मेदवार घोषणा गरेको आरोप लगाएका छन् ।

राप्रपा र राप्रपा प्रजातान्त्रिकसँगको तालमेल पनि सोचेअनसार मजबुत हुन सकेको छैन । कतिपय क्षेत्रमा तालमेल गर्ने भनि छलफल चलाइए पनि अन्तिममा कुरा मिल्न नसक्दा एक्लाएक्लै उम्मेदवार उठाएका छन् । कांग्रेसले प्रतिनिधीसभाका लागि दुइवटै राप्रपालाई प्रतिनिधीसभातर्फ ४–४ वटा सिट दिने गरी तालमेल गरेको छ ।
राप्रपा प्रजातान्त्रिकको भागमा सिन्धुपाल्चोकको क्षेत्र नम्बर २, जहाँ पशुपतिशमशेर राणाले चुनाव लड्दैछन् । त्यस्तै, धनकुटा, रुपन्देही ३ र चितवन ३ मा कांग्रेसले राप्रपा प्रजातान्त्रिकका उम्मेदवारलाई सहयोग गर्ने सहमति भएको छ । कमल थापा नेतृत्वको राप्रपाले काठमाण्डौ ७, दैलेख, बाँके २ र मकवानपुरमा तालमेलका आधारमा उम्मेदवार बनाउने भएको छ ।