Thursday 21st October 2021

    कञ्चनजङ्गा साकोसको छैटौं वाार्षिक साधारणसभा आजबाट सुरु    पोई पर्यो कालेबाट गोपाल ढकाल ‘छन्दे’ बने सर्वोत्कृष्ट हास्यअभिनेता    गायक शिव परियारको माया विक्ने भएछ गीत चर्चासँगै ट्रेण्डिङमा नं १. मा (भिडियो सहित)    जुम ब्युटि एकेडेमिको शाखा बनेपामा बिस्तार     नेपाल योग खेलकुद संघ काठमाडौं समितिको पुनर्गठन सम्पन्न

जिम्बावेको सुदृढ ब्याटिङ

Tuesday, October 31, 2017 National Power

१४ कार्तिक –  ह्यामिल्टन मासाकाड्जाले शतकीय इनिङ खेलेसँगै जिम्बावेले वेस्ट इन्डिजविरुद्धको दोस्रो टेस्टमा राम्रो योगफल खडा गरेको छ । ओपनर मासाकाड्जाले १ सय ४७ रन जोडेपछि जिम्बावेले पहिलो इनिङमा ३ सय २६ रन जोड्यो । उनले २ सय ४० बल खेल्दै १६ चौका र २ छक्का प्रहार गरे । मध्यक्रमका ब्याट्सम्यान सिकन्दर राजाले ८० रनको योगदान दिए ।

अघिल्लो दिन पिटर मुरले ५२ रन बनाए । वेस्ट इन्डिजका केमार रोचले ३ तथा सेनन ग्याब्रिएल र देवेन्द्र बिसुले २–२ विकेट लिए । रसेल चेज र क्रेग ब्रेथवेटले पनि १–१ विकेट हात पारे ।

घरेलु टोली १ सय १० औं ओभरमा अलआउट भएपछि वेस्ट इन्डिजले दोस्रो दिनको खेल सकिँदा आफ्नो पहिलो इनिङको ४९ ओभर ब्याटिङ गर्‍यो । निकै सम्हालिएर ब्याटिङ गरेको उसले १ विकेट गुमाई ७८ रनमात्र बनायो । दिनको खेल २ ओभर बाँकी हुँदा ओपनर क्रेग ब्रेथवेट जिम्बावेका कप्तान ग्रेम क्रिमरको बलमा क्याचआउट भए । उनले १ सय ६० बल खेलेर ३२ रन जोडे । अर्का ओपनर किरन पावेल ४३ रनमा अविजित छन् ।