Tuesday 3rd August 2021

    गीतकार खनालको मौलिक तीज गीत ‘छोरीको करिम’ सार्वजनिक    नेपाल चलचित्र तथा कलाकार श्रमिक संगठन (फावन नेपाल) को पाँचौ अधिवेशन नयाँ नेतृत्व चयन गर्दै सम्पन्न    तेश्रो नेपाल कल्चरल फिल्म फेष्टिवको मनोनयन सार्वजानिक    निर्मलालाई एक नारीको खुला पत्र : ‘नारी समाज फुटाउनेले समाज कसरी जोड्न सक्छ ?    विश्वभर फैलियो डेल्टा भेरियन्ट

उम्मेदवार चयनको अन्तिम कसरतमा दलहरु, बाम र लोकतान्त्रिकको गृहकार्य जारी

Sunday, October 29, 2017 National Power

१२ कात्तिक, काठमाण्डौ – आगामी चुनावका लागि सबैजसो दलहरु उम्मेदवार छनौटलाई अन्तिम रुप दिने तयारीमा छन् । लोकतान्त्रिक र वाम दुवै गठबन्धनमा आवद्ध दलहरु उम्मेदवार चयनलाई टुङ्ग्याउन छलफलमा जुटेका हुन् । लोकतान्त्रिक गठबन्धनले आजै टुङ्गो लगाउने भएको छ । गठबन्धनभित्रका दलहरु नेपाली कांग्रेस, राजपा, फोरम, राप्रपा र राप्रपा प्रजातान्त्रिक गृहकार्यमा जुटेका छन् ।

दुई दलले संयुक्त रुपमा प्रदेश नम्बर २ मा ६०–४० को भागबण्डा लगाउनुपर्ने माग कांग्रेससँग गरिरहेका छन् ।प्रदेश नम्बर २ मा प्रदेशसभातर्फ फोरमले ३३ र राजपाले ३१ सिट लिने सहमति भएको छ । त्यस्तै प्रतिनिधीसभामा फोरमले १७ र राजपाले १५ सिटमा उम्मेदवार उठाउने सहमति गरेका छन् ।

राप्रपा र राप्रपा प्रजातान्त्रिक पनि उम्मेदवार चयनको गृहकार्यमा छन् । आज दिनभरमा लागकतान्त्रिक गठबन्धनले सहमति जुटाउने गरी छलफल गरिरहेको छ । त्यसैगरी बाम गठबन्धनले पनि आजै उम्मेदवार टुङ्ग्याउने गरी छलफल गरिरहेको छ । एमाले र माओावदीको छुट्टाछुट्टै र संयुक्त बैठक आजै हुँदैछ । वाम गठबन्धनले ५ जिल्लाको १३ सिट बाडफाँट गर्न बाँकी छ । बाँकी सिट पनि आजै टुङ्ग्याउने छन् ।