छठ समापन 

१० कार्तिक,काठमाण्डौ – चार दिनसम्म मनाइने सूर्य उपासनाको महापर्व छठ शुक्रबार बिहानदेखि सकिएको छ । बिहान जलासय किनारमा पुजन सामग्रीसहित भेला भएर उदाइरहेको सूर्यलाई अर्घय दिएपछि महापर्वको समापन भयो । यसलाई भोरका घाट वा भोरका अर्घय भनिन्छ ।

तराई मधेसमा विशेष महत्त्वका साथ मानिने छठ अहिले काठमाडौंसहित सबै भागमा उत्तिकै श्रद्धासाथ मानिन्छ । काठमाडौंको गुहेश्वरी स्थित वाग्मती किनारमा पनि श्रद्धालुका घुइँचो लागेको थियो । पहाडी समूदायबाट पनि छठ पूजामा उल्लेख्य उपस्थिति थियो ।

समापनको अवसरमा समेत मुख्य ब्रतालु महिला र परिवारका अन्य महिला सदस्यले गीत गाउँदै एक अर्काको निधारमा सिन्दुरको टिका लगाइदिएका थिए । छठका अवसरमा सरकारले शुक्रबार दोस्रो दिन पनि बिदा दिएको छ ।