Monday 17th June 2024

    ईनास मेरिल्याण्डले आयोजना गरेको बनभोज तथा भेटघाट कार्यक्रम    नेपाल चलचित्र कलाकार संघको विचार गोष्ठि भव्यरुपमा सम्पन्न    ३९ विधामा र ६२ अवार्ड प्रदान गर्दै ओप्सना म्युजिक अवार्ड २०२४ सम्पन्न    १२ औं नेपाल अफ्रिका फिल्म फेस्टिबलमा १० देशका २८ चलचित्र चयन    नेपालका ओझासहित विश्वभरबाट ३१ विश्व कविहरूलाई ‘पोएट अफ नेचर अवार्ड’

डेंगुका कारण कसैको मृत्यु भएको छैन: जनस्वास्थ्य कार्यालय

Tuesday, October 24, 2017 National Power

७ कार्तिक, झापा – झापामा हालसम्म डेंगुका कारण कसैको मृत्यु नभएको जिल्ला जनस्वास्थ्य कार्यालयले जनाएको छ । डेंगुका कारण मृत्यु भएको भनिएको बिर्तामोड नगरपालिका–४ विर्ताबजारका ४० वर्षीय उमेश साहको अन्य कारणबाटै मृत्यु भएको उक्त कार्यालयका स्रोत व्यक्ति कुलबहादुर पौडेलले जानकारी दिए । । “साहको अन्य कारणबाट मृत्यु भएको हो”, उहाँले भन्नुभयो, “हामी अनुसन्धान गर्दैछौँ ।”

मृतक साहले छाती पोलेको भन्दै उपचारका लागि आइतबार बिर्तामोडस्थित बिर्ता हेल्थ क्लिनिकमा आएको क्लिनिकका सञ्चालक ब्रजेशकुमार मेहताले बताए। “जाँचपछि ग्यास्ट्रिक भएको पाइयो”, उनले भने, “क्लिनिकमा गरेको उपचारले स्वास्थ्यमा सुधार नआएपछि थप उपचारका लागि बिएण्डसी लैजान भनेका थियौँ ।”

थप उपचारका लागि अस्पतालमा लैजाँदै गर्दा उनको बाटोमै मृत्यु भएको मेहेताले बताउनुभयो । “क्लिनिकबाट डेंगुका कारण मृत्यु भएको भनेका छैनौँ”, उनले भने ।
असोजको पहिलो सातादेखि जिल्लाका विभिन्न क्षेत्रमा डेंगुको संक्रमण देखा परेको छ । त्यसमध्ये सबैभन्दा बढी बिर्तामोड क्षेत्रमा डेंगु रोगी भेटिएको उक्तकार्यालयले जनाएको छ ।

त्यस्तै, दमक, कनकाई, अर्जुनधारा, मेचीनगर नगरपालिका र बुद्धशान्ति गाउँपालिकामा समेत डेंगु देखापरेको छ । हालसम्म झापामा ८१ जनामा डेंगु संक्रमण देखिएको स्रोत व्यक्ति पौडेलले बताए । बागी उम्मेदवारलाई आफ्नो उम्मेदवारी फेर्ता गर्न आग्रह