विधान विपरित जाने चार जनालाई निष्कासन

२ कार्तिक, काठमाण्डौ –  नेकपा मालेको स्थयी कमिटिको बैठकले पार्टिको विधान विपरित जाने चार जनालाई निष्कासन पार्टिबाट गरेको छ ।नेकपा मालेका महासचिव सिपि मैनालीको अध्यषतामा बसेको उक्त बैठकले गुट–फुटपरस्त कृयाकलापमा सकृय पार्टीका ४ जना लाई अनुशासनको कार्यवाही मार्फत् पार्टीबाट निष्काशन गरिएको जनाएको छ ।

निष्कासनमा पर्नेमा पार्टीका पोलिटब्युरो सदस्यहरु नीलमणि बराल, अइन्द्रसुन्दर नेम्वाङ्ग, वैकल्पिक पोलिटब्युरो सदस्य रोहित के.सी. र जे.पी. केरुङ्ग रहेका छन् । उहाँहरु ले पार्टीको एकता विपरित गुटबन्दी र फुटपरस्त गतिविधिलाई निरंतरता दिंदै आएको तथा पार्टी नेतृत्वसंग भएको सम्वादमा त्यस्ता गतिविधि तत्काल रोक्ने भनीए पनि उनीहरु गुटबन्दी र फुटपरस्तका कामहरुमा सकृय रहेको पाईएकोले निष्कासन गर्नुपरेको महासचिव द्धारा हस्ताक्ष्रित विज्ञप्तिमा भनिएको छ ।