रत्नपार्कको फुटपाथमा नोट बजार ! बार्गेनिङ गर्दै पैसा किन्न पाइने ठाउँ ! (भिडियो सहित)

नेपाल सरकारको नियम अनुसार कुनै पनि व्यक्ति वा संस्थाले वित्तिय कारोबार गर्नु परेमा नेपाल राष्टबैंकको मतहतमा रही विभिन्न प्रकृया पुरा गरेर मात्र गर्न सकिन्छ । तर यो नेपाल हो, यहाँ जे पनि हुन्छ, जस्ले जे गरे पनि हुन्छ ।

नेपालीहरुको महान चाड विजया दशमीको लागि नेपाल राष्टबैंकले प्रत्येक बर्ष नयाँ नोटको सटही गर्दैै आएको छ । तर चुस्त व्यवस्थापन नहुँदा प्रत्येक बर्ष आम उपभोक्ताले सास्ती व्यहोर्दै आउनु परेको छ । सधैँको बर्षहरुमा जस्तै यसपाली पनि राष्टबैंकले नोट सटहीको लागि चुस्त व्यवस्थापन गर्न नकस्दा आम उपभोक्ताहरुले दिनभरी लाईन बसेर पनि नोट सटही गर्न पाएनन्् । त्यसैको फाइदा उठाउँदै केही व्यक्तिहरुले आफ्नो नातागोता र चिनेजानेकाहरुको सहयोगमा राष्टबैंकबाट खुला पैसा लिएर सडक पेटीमा जुत्ता चप्पल जस्तै नोट विक्रि गर्न बसेको देखिन्छ ।

आम उपभोक्ता पनि केन्द्रिय बैंकको अकर्मण्यताको सिकार बन्दै सडकमा नोट साट्न ब

सेकाहरुबाट सयकडा १० अर्थात सय रुपियाँको खुला पैसा साट्दा एक सय दश रुपैयाँ तिर्न बाध्य भइरहेका छन् ।

रत्नपार्कको सडक पेटीमा एउटा बोरा ओछ्याएर फुटपाथका जुत्ता चप्पल व्यापारीहरुजस्तै ग्राहक बोलाइबोलाइ नोट सटही गरिरहेको दृश्य देख्दा निकै अचम्म लाग्छ । अझ भनौ नेपालमा फुटपाथमा पैसा किन्न पाईन्छ त्यो पनि बार्गेनिङ गर्दै ।

फुटपाथमा पैसा किन्दै गर्दा भेटिएका उपभोक्ता राम प्रसाद सापकोटाका अनुसार राष्ट्रबैंकका दिन भरी लाईन लाग्दा पनि नोट सटही गर्न नपाएपछि बाध्य भएर रत्नपार्कको फुटपाथमा पैसा किन्न बाध्य भएको बताउँछन् । भने व्यापारीहरुले पनि सरकारले दिन नसकेको सुविधा आफुले दिएको भन्दै गर्व गर्छन् ।

समग्रमा भन्नुपर्दा जुन ठाउँमा सिस्टमले काम गर्दैन या भनौ चुस्त व्यवस्थापन हुँदैन त्यस्तो ठाउँमा नोट जस्तो महत्वपूर्ण संवेदनशील चिज फुटपाथमा विक्रिमा राखिन्छ । भोली यसैको मौका छोपी नक्कली नोट कारोबारीहरुले सडकमा बसेर यसरीनै नोट बेच्न थाले भने र आम उपभोक्ता त्यसको सिकार हुनु पर्यो भने त्यसको जवाफदेहिता कस्ले लिने ? अनि देशको अर्थतन्त्रमा त्यसले पार्ने प्रभावको बारेमा कस्ले सोच्ने ?