कांग्रेस नेता बास्तोला अस्पताल भर्ना

७ साउन, काठमाडौं – नेपाली कांग्रेसका पुराना नेता चक्र बास्तोलालाई अस्पताल भर्ना गरिएको छ । पक्षघात भएपछि झण्डै साढे ४ वर्षदेखि घरमै उपचार र आराम गर्दै आएका बास्तोलालाई केही दिनदेखि न्युरो अस्पताल बाँसबारी भर्ना गरिएको हो ।

पक्षघात भएपछि बास्तोलालाई विराटनगर, काठमाडौं र भारतमा समेत उपचार गराई पछिल्लो समय चिकित्सक र नर्सको सुविधासहित घरमै राखिएको थियो ।

उनको स्वास्थ्य अवस्था बुझ्न प्रधानमन्त्री तथा कांग्रेस सभापति शेरबहादुर देउवा, कांग्रेसका वरिष्ठ नेता रामचन्द्र पौडेल, महामन्त्री शशांक कोइराला लगायत नेता अस्पताल जाने भएका छन ।