डडेल्धुराका ७ वटै स्थानीय तहको अन्तिम मतपरिणाम सार्वजनिक

१८ असार, डडेल्धुरा – प्रधानमन्त्री शेरबहादुर देउवाको गृहजिल्ला डडेल्धुराका ७ वटै स्थानीय तहको अन्तिम मतपरिणाम सार्वजनिक हुँदा कांग्रेसले चार, एमाले दुई र माओवादी केन्द्रले एक तहमा विजयी प्राप्त गरेका छन्। नेपाली कांग्रेसले एक नगर र तीन गाउँपालिकामा जितेको छ। यस्तै एमालेले एक नगर र दुई गाउँपालिकामा विजय हासिल गरेको छ भने माओवादी केन्द्र एक गाउँपालिकामा निर्वाचित भएको छ।
अमरगढी नगरपालिकाको प्रमुख र उपप्रमुखमा एमालेका उम्मेदवार विजय भएका छन्। अमरगढी नगरपालिकाका कुल मतदाता ११ हजार ७ सय ८३ मध्ये ८ हजार ७ सय मत मात्रै खसेको थियो। अमरगढी नगरपालिकामा एमालेले ४, ५, ७, ९, १० र ११ वडामा विजयी हासिल गरेको छ।त्यस्तै १, २, ३, ६ र ८ नम्बर वडामा कांग्रेसका उम्मेदवार विजयी भएका छन्। परशुराम नगरपालिका परशुराम नगरको प्रमुख र उपप्रमुखमा कांग्रेस उम्मेदवार विजयी भएका छन। नगरप्रमुखमा कांग्रेसका भीमबहादुर साउद र उपप्रमुखमा कांग्रेसकी कलावतिदेवी बोहरा विजयी भएकी हुन्। परशुराम नगरपालिकामा माओवादी केन्द्रले ६, कांग्रेसले ४ र एमालेले २ वडामा जितेको छ। आलिताल गाउँपालिको अध्यक्ष र उपाध्यक्षमा कांग्रेस विजयी भएको छ। भागेश्वर गाउँपालिका भागेश्वर गाउँपालिकाको अध्यक्ष र उपाध्यक्षमा कांग्रेस विजयी भएको छ। गन्यापधुरा गाउँपालिका प्रधानमन्त्री शेरबहादुर देउवाको गृह गाउँपालिकाकामा नेपाली कांग्रेस विजयी भएको छ।अजयमेरु गाउँपालिका अजयमेरु गाउँपालिकाको अध्यक्ष र उपाध्यक्षमा नेकपा माओवादी केन्द्रले जित हासिल गरेका छ। अध्यक्षमा उमेश भट्ट ‘विकास’ विजयी भएका छन्। नवदुर्गा गाउँपालिका नवदुर्गा गाउँपालिकाको अध्यक्षमा एमाले र उपाध्यक्षमा कांग्रेसका उम्मेदवार विजयी भएको छ। ५२ वडा रहेको डडेल्धुरामा एमाले १९ कांग्रेस १७ माओवादी १६ स्थानमा विजयी हासिल गरेको छ ।