८ घण्टापछि नारायणगढ–मुग्लिन सडकखण्ड खुल्यो

४ असार, चितवन – चितवनको नारायणगढ–मुग्लिन सडकखण्ड अन्तरगत कालिखोलामा सुख्खा पहिरो खसेर बिहानैदेखि बन्द भएको यातायात सञ्चालनमा आएको छ। दुई वटा डोजरले पहिरो पन्छाएर ८ घण्टापछि सडक खुलेको हो। बिहान पौने १२ बजेबाट बाटो खुलेको चितवन प्रहरीले जनाएको छ। अहिले गाडीहरू गन्तव्यतर्फ जान थालेपछि लामो लाइन भएकाले यातायात सहज हुन अझै केही घण्टा लाग्ने प्रहरीले जनाएको छ। ईच्छाकामना गाउँपालिकाको वडा नम्बर ६ मा राति साढे ३ बजेको समयमा कालिखालामा खसेको सुख्खा पहिरोका कारण बाटो बन्द भएको थियो। चितवनको मुग्लिन नारायणगढ सडक विस्तारको क्रममा रहेकाले यहाँका विभिन्न ठाउँमा काटिएको भित्तोमा पहिरो खस्ने क्रम जारी छ।