भरतपुर महानगरको मतगणना स्थगित, कांग्रेस माओवादीका प्रतिनिधिद्वारा निर्वाचन अधिकृतको राजीनामा माग

५ जेठ,  चितवन  – भरतपुर महानगरपालिकाको मतगणना स्थगित भएको छ । कांग्रेस र माओवादीका प्रतिनिधिले पटकपटक प्राविधिक त्रुटी भएको भन्दै असन्तुष्टि जनाएपछि मतगणना स्थगित भएको हो ।

पटकपटक प्राविधिक त्रुटी दोहोरिदा पनि निर्वाचन आयोगले उचित ब्यबस्थापन गर्न नसकेको भन्दै कांग्रेस माओवादीले चितवन जिल्लाका प्रमुख निर्वाचन अधिकृत कविप्रसाद न्यौपानेको राजीनामा माग गर्दै नाराबाजी गरेका छन् ।

मतगणना गरिरहेका कांग्रेस माओवादीका प्रतिनिधि नै बाहिर निष्किएर नाराबाजी गरिरहेका छन् । अहिले उक्त विवाद मिलाउन निर्वाचन आयोगका प्रतिनिधि र राजनीतिक दलका प्रतिनिधिबीच छलफल चलिरहेको छ ।

एमाले उमेदवार देवी ज्ञवालीको पक्षमा १५ हजार १५५ मत खसेको छ ।  माओवादी केन्द्रका तर्फबाट मेयरकी उमेदवार रेणु दाहालले १४ हजार ८०९ मत प्राप्त गरेकी छन् । रेणु माओवादी केन्द्र र कांग्रेस गठबन्द्धनकी उमेदवार हुन् ।