Tuesday 21st September 2021

    ‘अनलाइन एक्टिङ कम्पिटिसन’ को विजेता बने मनिष पाण्डे    रोमन परियार र रिया नापितलाई ‘मिस्टर एण्ड मिस ग्ल्यामर’को ताज    गायक सुनिल थापा मगरको मर्मस्पर्शी गीत 'निर हो' सार्वजनिक    ‘मिस्टर एण्ड मिस टिन ग्ल्याम नेपाल २०२१’ को उपाधी सुमन तामाङ र निर्जला रजकले जिते    चिज कुमार श्रेष्ठको अभिनयमा जे बि बिष्टको सन्देशमुलक गीत सार्वजनिक

माओवादी कार्यकर्ताको आक्रमणद्धारा एकको मृत्यु, एक घाइते

Wednesday, May 10, 2017 National Power

२७ बैशाख, दोलखा – दोलखाको गौरीशंकर गाउँपालिका–१ जुँगुमा माओवादी केन्द्र र एमाले कार्यकर्ताबिच झडप हुँदा एकजनाको ज्यान गएको छ । अर्का एकजना घाइते भएका छन् ।

झडपमा एमाले कार्यकर्ता गौरीशंकर गाउँपालिका–१ जुँगुका अन्दाजी ३३ वर्षका राजेश भनिने कुलबहादुर तामाङको ज्यान गएको प्रहरीले जनाएको छ । मृतकका बुवा स्थानीय तह चुनावमा खुल्लाबाट वडा सदस्यको पदमा उम्मेद्वार हुन ।झडपमा जुँगुकै निलकण्ठेश्वर माविका शिक्षक समेत रहेका गौरीशंकर गाउँपालिका–२ का दिलबहादुर बुढाथोकी घाइते भएका छन । घाइते बुढाथोकीको अवस्था गम्भीर रहेको र थप उपचारका लागि काठमाडौं रिफर गरिएको प्रहरीले जनाएको छ । मंगलबार राति एमाले कार्यकर्ता बास बसेको ठाउँमा माओवादीका कार्यकर्ताले आक्रमण गरेका स्थानीय बासिन्दाले बताएका छन् ।

माओवादी केन्द्रका जिल्ला अध्यक्ष विशाल खड्काले भने दिउँसो माओवादी केन्द्रका सांसद देवी खड्कामाथि आक्रमण भएपछि घटना भएको दाबी गरेकाछन । प्रहरीले घटनाबारे अनुसन्धान भइरहेको जनाएको छ । घटनामा संलग्न भएको आरोपमा प्रहरीले केहीलाई पक्राउ गरेको छ ।