भरुवा बन्दुकसहित दुईजना पक्राउ

२५ बैशाख, लमजुङ – लमजुङ जिल्लाको बेसीशहर नगरपालिका–९ बिम्दा भीरकटेरीबाट बनाउँदै गरेको भरुवा बन्दुकसहित प्रहरीले दुईजनालाई पक्राउ गरेको छ ।

आइतबार राति एक बजे तिर चुनाव केन्द्रीत सुरक्षा योजना अन्तर्गत ‘सर्च अप्रेसन’ का क्रममा २४ वर्षे मनोज विक र उनका भाई १९ वर्षका प्रदीप विक हतियारसहित पक्राउ परेको प्रहरीले जनाएको छ । आरन सञ्चालन गर्दै आएको ठाउँमा बन्दुक बनाउने गरेको प्रारम्भिक अनुसन्धानबाट खुलेको प्रहरीले जनाएको छ ।उनीहरु पक्राउ परेकाले बाँदर धपाउन बन्दुक बनाएको बताएको प्रहरीले जनाएको छ ।