Friday 29th March 2024

    पाँचौँ नेपाल सांस्कृतिक अन्तर्राष्ट्रिय चलचित्र महोत्सव राजधानीमा सुरु    चितवनमा बिभिन्न मनोरञ्जनात्मक कार्यक्रम सहित ‘होली विशेष २०८०’भव्यरुपमा सम्पन्न    सन्तोषको स्वरमा ‘हे मातृभूमि तिम्रा हामी सबै पुजारी …’ (भिडियोसहित)    ‘जुनियर मिस्टर एण्ड मिस इटहरी’को दोश्रो संस्करणको उपाधि विजेता बने बस्नेत र लुइँटेल    उपप्रधानमन्त्री लामिछानेले भने, ‘महाजात्रा हेरिरहँदा ऊर्जा महसुस गरेँ’

अपरिचित समूहले उम्मेदवारको गाडीमा पेट्रोल बम हाने

Sunday, May 7, 2017 National Power

२४ बैशाख, चितवन – चितवनको खैरहनी नगरपालिकामा नेपाली कांग्रेसका नगरप्रमुखका उम्मेदवार राजेन्द्र चौधरीको गाडीमा दुई जनाको अपरिचित समूहले शनिबार राति पेट्रोल बम हानेको छ। वियरको बोतलमा बनाइएको बम हानिएको भए पनि गाडीको केही सिसा मात्रै फुटेको चितवन प्रहरीले जनाएको छ । उनको पार्किङ गरिराखेको बा ८ च १५६२ नम्बरको गाडीमा राति साढे ११ बजे बम प्रहार भएको प्रहरीले जनाएको छ। बम पड्किन नपाएकाले क्षति कम भएको प्रहरीले बताएको छ। बम हान्न दुईजना आएको र उनीहरु फरार रहेको प्रहरीले जनाएको छ  । यसअघि, शनिबार मात्रै भरतपुरको स्याउली बजारमा माओवादीका उम्मेदवार रेणु दाहालको मामाको घरअगाडि फेला परेको बम प्रहरीले निष्क्रिय पारेको थियो। सोही घरमा दाहाल बसोबास गर्दै आएकी छन् भने सोही क्षेत्रमा एउटा गाडी तोडफोडसमेत भएको थियो।