Friday 23rd February 2024

    एभरेष्ट नेपाल कल्चरल ग्रुपले १२ औं अन्तर्राष्ट्रिय लोक साँस्कृतिक मेलाको आयोजना गर्दै    चर्चित हाँस्य कलाकार गणेश ईशाराको एकल ‘अल नेपाल कमेडी शो’ कार्यक्रम गर्दै    गोर्खा वारियरको पोखरामा भव्य रेडकार्पेट प्रिमियर    पाशुपत क्षेत्रमा पहिलो पटक स्वस्थानी माताको ब्रतकथा बाचन हुँदै    चलचित्र पत्रकार संघ नेपालको प्रथम राष्ट्रिय भेलामा चलचित्र निर्देशक खरेललाई मानार्थ सदस्यता प्रदान

विद्यालय भर्ना अभियान बैशाख ३ गतेदेखि, ४ प्रतिशत बालबालिका विद्यालय बाहिर

Friday, April 14, 2017 National Power

१ बैशाख,अछाम- जिल्लामा यही बैशाख ३ गतेबाट विद्यालय स्वागत तथा भर्ना अभियान कार्यक्रम शुरु हुने भएको छ । विद्यालय बाहिर रहेका सम्पूर्ण बालबालिकालाई अनिवार्य विद्यालयमा ल्याउने र टिकाउने अभियान अन्तर्गत विद्यालय स्वागत तथा भर्ना अभियान शुरु गर्न लागिएको जिल्ला शिक्षा कार्यालयले जनाएको छ ।
बैशाख ३ गतेदेखि १७ गतेसम्म विद्यालय स्वागत तथा भर्ना अभियान शुरु गर्ने र हरेक विद्यालयले आफ्नो सेवा क्षेत्र भित्र रहेका विद्यालय उमेर पुगेका सबै बालबालिकालाई विद्यालयमा ल्याउनुपर्ने जिल्ला शिक्षा अधिकारी झंकरबहादुर बिष्टले बताउनु भयो ।

विद्यालय स्वागत तथा भर्ना अभियान संगै पाठ्यपुस्तक समेत सबै विद्यार्थीलाई उपलब्ध गराउन उहाँले आग्रह गर्नुभयो । पाठ्यपुस्तकका लागि जिल्ला भर २ करोड बढी रुपैँया सम्बन्धित विद्यालयको खातामा फागुन महिनामै पठाई सकिएको जिल्ला शिक्षा अधिकारी विष्टको भनाई छ । अछाम जिल्लामा अझैँ पनि ४ दशमलब ८६ प्रतिशत बालबालिका विद्यालय बाहिर रहेको तथ्यांक छ ।