वरियाता विवादले तीन साता देखि मन्त्रीपरिषद् वैठक बस्न सकेन

२४ चैत, काठमाडौं – विगत ३ साता देखि उपप्रधानमन्त्रीको वरियाता नमिल्दा बस्न नसकेको मन्त्री परिषद्को बैठक विहिबार पनि बस्न सकेन । उपप्रधानमन्त्रीको दोश्रो वरियातामा विमलेन्द्र निधि र कमल थापा मध्य को रहने भन्ने विवाद रहि आएके छ ।

मौखिक रुपमा काँग्रेस सभापति शेर बहादुर देउवाले दोश्रो वरियातामा प्रदान गर्ने सहमती भएपछि आफु सरकारमा गएको कमल थापाले दावी गर्दै आएका छन् । तर नेपाली काँग्रेसबाट सरकारको नेतृत्व गरिरहेका उपप्रधान तथा गृहमन्त्री निधि भने आफु नै दोश्रो वरियातामा रहेको दावी नछोडेपछि विवाद छताछुल्ल भएको हो ।

यहि विवादका कारण विगत तीन साता देखि मन्त्री परिषद्को वैठक बस्न सकेको छैन भने प्रधानमन्त्रीको चीन भ्रमणका बेलामा पनि कार्यवाहक तोक्न सकेका थिएनन् ।