Saturday 24th February 2024

    एभरेष्ट नेपाल कल्चरल ग्रुपले १२ औं अन्तर्राष्ट्रिय लोक साँस्कृतिक मेलाको आयोजना गर्दै    चर्चित हाँस्य कलाकार गणेश ईशाराको एकल ‘अल नेपाल कमेडी शो’ कार्यक्रम गर्दै    गोर्खा वारियरको पोखरामा भव्य रेडकार्पेट प्रिमियर    पाशुपत क्षेत्रमा पहिलो पटक स्वस्थानी माताको ब्रतकथा बाचन हुँदै    चलचित्र पत्रकार संघ नेपालको प्रथम राष्ट्रिय भेलामा चलचित्र निर्देशक खरेललाई मानार्थ सदस्यता प्रदान

हाकिमले दुर्व्यवहार गरेको भन्दै कारबाहीको माग

Thursday, April 6, 2017 National Power

२४ चैत्र,  दैलेख  – दैलेख जिल्ला प्रहरी कार्यालयमा कार्यरत एक महिला जवानले हाकिमले दुर्व्यवहार गरेको भन्दै उजुरी दिएकी छिन् ।

जिप्रकामा कार्यरत रेखा कुँवरले म्यादी प्रहरी भर्ना छनौट स्थलमा डिएसपी केदार रजौरेले दुर्व्यवहार गरेको भन्दै महिला तथा बालबालिका सेललाई बोधार्थसहित भेरी अञ्चल प्रहरी प्रमुखको कार्यालयमा उजुरी दिएकी छिन् ।

‘कर्तव्य पालनाका सिलसिलामा कुनै गल्ती भए कार्यालयमा बोलाई सजाय दिनुपर्नेमा सार्वजनिक स्थलमा कुटपिट गरी पदीय आचरण विपरीतको काम गरेकाले निजउपर कारबाहीको माग गर्दछु’भनेर उनले उजुरी मा उल्लेख गरेकी छन् ।

म्यादी प्रहरी भर्नाका सिलसिलामा २० गते डिएसपी रजौरेले दुर्व्यवहार गरेको उनको आरोप लगाएपछि डिएसपीले दुर्व्यवहार गरेको नभई आफूले हपारेको जिकिर गरे ।

सामान्य घटनालाई महिला प्रहरी जवानले उचालेको प्रहरी प्रमुख विजयलाल कायस्थले बताए ।