मानसिक रोगका कारण शिवराज बिक लाई खोरमा

१० चैत, उदयपुर – उदयपुर चौदण्डी नगरपालिका–१ मानसिक रोगी ३४ वर्षका शिवराज बिक उपचारको अभावमा पाँच वर्षदेखि खोरमा थुनिएका छन् ।
बुवा रामकुमार बिकले ८ वर्षअघि मानसिक सन्तुलन गुमाएको छोराको पटक पटक औषधि उपचार गराउँदा पनि छोरालाई ठीक नभएपछि घरमा भएको खर्च पनि सकियो खर्चको अभाव हुन थालेपछि खोरमा थुनेर राख्नु परेको उन्ले बताए । रामकुमारका शिवराम जेठा हुन् ।
रामकुमार बिकले काठमाडौंमा ज्याला मजदुरी गरी गुजारा गरिरहेका शिवराज बिकले मानसिक सन्तुलन गुमाएपछि भतिजा र भतिजीको हत्या प्रयास ग¥यो’गाउँघरका मान्छेमाथि समेत आक्रमण गरेपछि खोर बनाएर बन्दक बनाउन बाध्य भएका हौं । उपचार गर्दागर्दै घरखेत पनि साहुले लिएपछि थप उपचार गर्न नसकेको पनि बताउए ।
शिवराजकी आमा सुमित्राले छोराको अवस्था सुधार हुन्छ कि भनेर दुई पटक सुधारगृहमा समेत राखेको पनि बताउनु भयो । कुनै सामाजिक संघसंस्थाको सहयोग पाए छोराको उपचार हुने र आफ्नो छोरा पहिलेकै अवस्थामा फर्कने आश आमाबुवाको छ ।