Wednesday 10th August 2022

    हेरिटेज ग्रुपको अधिराज्यव्यापी अधिकृत बिक्रेता कार्यगोष्ठी सम्पन्न    दोश्रो र तेश्रो संस्करणको जिनियस म्युजिक अवार्ड २०७८ सफलतापुर्वक सम्पन्न    संगीतकार योगेन्द्र उपाध्यायका तिनवटा गीति एल्बम एकसाथ बिमोचन    राष्ट्रिय युवा परिषद्ले भोलि प्रशिक्षण मुलक कार्यक्रम गर्दै    Embassy of Pakistan organized a talk programme on “Kashmirs’ Youm-e-Istehsal”,

घरेलु कामदार किशोरीमाथि बलात्कार

Tuesday, March 21, 2017 National Power


८ चैत्र, काठमाडौं – घरेलु कामदारका रूपमा काम गर्दै आएकी एक १६ वर्षीया किशोरीमाथि घरधनीबाट पटकपटक यौनहिंसाको सिकार भएकी छन् ।
काठमाडौं बानेश्वरको एक सरकारी स्कुलमा कक्षा ९ पढदै गरेकी किशोरीले डेढ वर्षदेखि आफूमाथि बलात्कार भएको भन्दै प्रहरी बृत्त बानेश्वरमा २७ फागुनमा उजुरी गरेपछि घटना बाहिर आएको हो । किशोरीलाई डडेल्धुराका एक व्यक्तिले घरेलु कामदारका रूपमा काठमाडौं ल्याएका थिए ।
घरका सदस्यहरू नभएका बेला बारम्बार आफुमाथी हमला गर्ने गरेको र यौनहिंसाबारे किशोरीले स्कुलका साथीहरूलाई र साथीहरूले विद्यालयका शिक्षकलाई बताएका पछि शिक्षक र साथीहरू सहयोगले किशोरीले प्रहरी वृत्तमा आफुमाथी बलात्कार भएको घरका मालिकविरुद्ध उजुरी दिएकी थिइन् ।
उजुरीलगत्तै बानेश्वर वृत्तका डीएसपी नारायणचिमोरियाले पीडकलाई पक्राउ गरी अनुसन्धान थालेको र अहिले केही बोल्न नमिल्ने । ‘म्याद थप गरी अनुसन्धान भईरहेको छ । केही दिनमा सबै कुरा बाहिर आउने  बताउनु भयो ।’
प्रहरीका अनुसार पीडककी आमाले पढाइदिने र विदेश पठाइदिने भन्दै २ वर्षअघि ती किशोरीलाई काठमाडौं ल्याएकी थिइन् । किशोरी आएको तेस्रो महिनादेखि नै घरमालिकबाट बारम्बार बलत्कार भएको प्रहरीसामु बताएकी छिन् ।
बानेश्वर प्रहरी बृत्तका डीएसपी चिमोरियाले किशोरीको स्वास्थ्य परीक्षण भइसकेको र अनुसन्धान जारी रहेको बताए पनि अनुसन्धान कुन चरणमा पुगेको छ र यसको निष्कर्ष कहिले आउँछ भन्नेबारे केही बताएनन् ।
केन्द्रीय बालकल्याण समितिका बालअधिकार स्रोत व्यक्ति रवि गौतमले बालिका मानसिक रूपमा अत्यन्तै कमजोर रहेको र न्यायको पहलमा केही अवरोध भइरहेको बताए । स्रोतका अनुसार बलात्कारको यो मुद्दा मिलाउन किशोरीको परिवारमाथि ठूलो दबाब छ ।