२३ फागुन, राजविराज– सप्तरीको खोजपुर गाविस–७ मा विद्युत हुकिङ गर्ने क्रममा करेन्ट लागेर गएराति एक जनाको मृत्यु भएको छ । मृत्यु हुनेमा सप्तरीको बनरझुला गाविस–३ का ४५ वर्षीय मोहमद जियाउल मिया रहेको इलाका प्रहरी कार्यालय कल्याणपुरले जनाएको छ ।
खोजपुर–७ मा रहेको उनको आफ्नै आँपको बगैँचामा ११ हजार भोल्ट भएको विद्युमा हुकिङ गरी बिजुली तान्ने क्रममा करेन्ट लागेको हो ।
गम्भीर घाइते भएका उनको राजविराजथस्थित गजेन्द्रनारायण सिंह सगरमाथा अञ्चल अस्पतालमा उपचारका क्रममा मृत्यु भएको जिल्ला प्रहरी कार्यालय सप्तरीले जनाएको छ ।