१९ फागुन, ताप्लेजुङ –पाँचथरको फिदिममा रुख काट्ने क्रममा सोही रुखले किचेर ताप्लेजुङका एकजनाको मृत्यु भएको छ ।
फिदिम नगरपालिका १ बस्ने आइतराज केरुङले सोहि ठाँउ बस्ने बन्धना मोक्तानको घरमा रहेको काभ्राको रुख काट्ने क्रममा उक्त रुख लडेर पालुङवालाई किचेको थियो ।मृत्यु हुनेमा ताप्लेजुङ दोखु बस्ने ४२ बर्षीय हेम कुमार पालुङवा छन् ।
घाइते पालुङवाको जिल्ला अस्पताल फिदिममा उपचारको क्रममा बुधबार बेलुका मृत्यु भएको जिल्ला प्रहरी कार्यालय पाँचथरले जनाएको छ ।
रुख धनी मोक्तान र रुख काट्ने केरुङलाई प्रहरीले पक्राउ गरी कारबाही प्रक्रिया सुरु गरेको छ ।