धर्मपुत्री बालिकाको शंकास्पद मुत्यु

१८,फागुन,धरान–गत सोमबार एक धर्मपुत्रीको रुपमा राखिएको बालिकाको शंकास्पद मुत्यु भएको छ । धरान १६ पुण्यमार्गमा १० बर्ष पहिला देखि धर्मपुत्रीको रुपमा बलिमान राई र उनकी श्रीमती पदमकुमारीले पाल्दै आएका अनुषा राईको मुत्यु भएको हो ।
१३ बर्षिया किशोरीले घरमा राखेको धानमा लाग्ने किरामार्ने विषादी खाएर मुत्यु भएको र राई परिवारले बताएको छ ।सोहि घरमा राई परिवार र किशोरी बस्दै आएका थिए भने उनी कक्षा ३ मा सियोन स्कुलमा पढ्थिन् । राई परिवारको दुई वटा छोरा घरबाहिर बस्दै आएका छन् । स्थानीयले किशोरीलाई बेला बेलामा याताना दिने गरेको र उनको मुत्यु शंकास्पद भएको भन्दै राई परिवारको घर तोडफोड गरेका छन् ।