फागुन,काठमाण्डौँ – खानेपानीको विषयमा विवाद हुँदा डडेल्धुराको कोटेलीमा एक जनाको ज्यान गएको छ । पानीको विषयमा कोटेली १ का ३७ वर्षीय शेरबहादुर साउँद र २४ वर्षीय भीमबहादुर भूल बिच विवादले उग्ररुप लिएपछि झडप भएको हो । झडपका क्रममा भूलले साउँदलाई खुकुरी प्रहार गरेको प्रहरी जनाएको छ । खुकुरी प्रहारबाट गम्भीर घाइते भएका साउँदको उपचारका लागि अस्पताल लैजाने क्रममा ज्यान गएको हो । खुकुरी प्रहार गर्ने भूललाई प्रहरीले प्रकाउ गरेको छ ।