Monday 17th January 2022

    एक्शन, सस्पेन्स र प्रेममा आधारित वेवसिरिज “तिमी बिना” रिलिज    तिमिलाई रुन दिन्न भन्दै बजारमा आए गायक कृष्ण काफ्ले    सीमा नाकामा उच्च सतर्कता    सुदूरपश्चिम प्रदेशमा माघ २ गते सार्वजनिक विदा    रुबी भ्यालीको पहिरोमा पुरिएकाहरु अझै भेटिएनन्

कम्युनिष्ट नेताकाे राजावादी अभियान

Friday, February 10, 2017 National Power

काठमाडौं । नेपाली कम्युनिष्ट आन्दोलनको केन्द्र मानिन्छ, झापा । २०२८ सालमा यहीँबाट भएको विद्रोहलाई ‘झापा विद्रोह’का नामले    चिनिन्छ । झापाको यही विद्रोहको अगुवाई गर्दै ‘शस्त्र’ उठाउने पहिलो व्यक्ति थिए– कमरेड मोहनचन्द्र अधिकारी । २०१३ सालमा कम्युनिष्ट पार्टीको सदस्यता लिएका अधिकारीको अगुवाईमा २०२८ सालमा चलेको ‘शत्रु सफाया’ आन्दोलनले कैयनको सफाइ नै गरेको थियो ।

कम्युनिष्ट आन्दोलनमा लागेको र व्यक्तिहत्या गरेको आरोपमा अधिकारीले १६ वर्ष ९ महिना जेल मै गुजार्नु परेको थियो । यति लामो समयसम्म कम्युनिष्ट विचार र दर्शन बोकेर जेल जीवन बिताएकाले उनलाई नेपाली नेल्सन मन्डेला समेत भनिन्छ । तर, जीवनभर निडरतापूर्वक कम्युनिष्ट विचार र दर्शनको परख गरेका अधिकारी राजनीति सम्भावनाको खेल हो भन्ने भनाइलाई चरितार्थ गर्दै विस्तारै कम्युनिष्ट विचार र दर्शनप्रतिबाट पछि हट्दै जान थालेका छन् । पछिल्लो समय उनको हिमचिम कम्युनिष्ट पार्टीसंग भन्दा कम्युनिष्ट इतरका शक्ति राजावादीसंग हुन थालेको     छ ।

स्रोतका अनुसार, अधिकारी यतिबेला राजतन्त्र र हिन्दू राज्यको वकालत गर्दै आएका शक्तिहरूसंग मिलेर अघि बढ्ने सोचमा पुगेका छन् । हिन्दू राष्ट्रको अभियानमा केही अघिदेखि खुलेका अधिकारीले यही सोच अनुरुप संवाद नै अघि बढाइसकेको बताइन्छ । प्राप्त समाचार अनुसार, राजतन्त्र र हिन्दू राज्यको एजेण्डा कमल थापाले त्यागेपछि यसलाई बोक्दै आइरहेको केशरबहादुर विष्ट समूहसंग उनको फाइनल कुराकानी नै भइसकेको छ । स्रोतका अनुसार, अधिकारी केशरबहादुर विष्टले सञ्चालन गर्दै आइरहेको राष्ट्रवादी अभियानमा लाग्ने पक्कापक्की भएको छ र त्यसका लागि २०७३ माघ २७ गते हिरा पार्टी प्यालेस, बानेश्वरमा एक कार्यक्रम नै तय भएको छ । ‘झापा आन्दोलनका नायक मोहनचन्द्र अधिकारी केशरबहादुर विष्टले राजतन्त्र र हिन्दू राष्ट्रको वकालत गर्दै सञ्चालन गर्दै आइरहेको राष्ट्रवादी अभियानमा जोडिने भएका छन्,’ स्रोतले भन्यो । स्रोतका अनुसार, अधिकारीसंगै कांग्रेसका कर्नरमा परेका नेताहरू पनि केशरबहादुरको अभियानमा जोडिन लागेका    छन् । प्रकाश कोइरालालगायतका नेता विष्टको अभियानमा जोडिन लागेको बताइन्छ ।