Monday 4th March 2024

    आमा कुजाईन रेस्टुरेन्टले क्यानडामा पायो क्यल्गरी बेष्ट न्यू रेष्टुरेष्ट २०२४ एभिन्यु क्यालगरी अवार्ड    लव प्याकुरेलको अध्यक्षतामा आइएनएनएफमा नयाँ कार्यसमितिको गठन    चिया कफी देउ सार्वजनिक (भिडियो सहित)    ‘सुगुप’को पुनः प्रदर्शन    नाममा आपत्ति जनाउँदै सेन्सर बोर्डले रोक्यो फिल्म ‘रंगेली’

दिपक मनांगेको कमाण्डमा राप्रपा मनांग, कांग्रेस भन्दा अघि हुने संकेत

Wednesday, February 8, 2017 National Power

काठमाडौं, २६ माघ – राजिब गुरुङ अर्थात् दिपक मनांगे  मनाङ राप्रपाको  अध्यक्ष भएका छन् । मौसमका कारण काठमाडौंको नयाँबजारमा भएको राप्रपा मनाङको जिल्ला अधिवेशनमा मनांगे सर्वसम्मत रूपमा जिल्ला अध्यक्षमा चयन भएको राप्रपा प्रवक्ता श्रेष्ठले जानकारी दिए ।

निर्वाचित भएपछि मनांगेले ३५ सदस्यीय समिति गठन गरेका छन्। निर्वाचित भएपछि मनांगेले कुनै प्रतिक्रिया दिएनन् । मनांगे सांगठनिक अपराध गरेकोमा पटक–पटक प्रहरीबाट पक्राउ पर्दै छुट्दै आएका छन् । विशेष अदालतमा उनीविरुद्ध सम्पत्ति शुद्धीकरणको मुद्दा चलिरहेको छ।

मनांगे चार सय युवासहित एक महिनाअघि राप्रपा प्रवेश गरेका थिए । हिमाली जिल्ला मनाङमा चिसोका कारण अधिवेशन हुन नसकेकाले काठमाडौंमै गरिएको हो।प्रवक्ता श्रेष्ठले कानुनले मनांगेलाई कुनै सजाय नतोकेको भन्दै असल नागरिक भएर जसले पनि राजनीति गर्न पाउने बताए । ’कानुनले मनांगेलाई सजाय तोकेको छैन ।

पार्टी जीवनमा प्रवेश गर्छु, भलाद्मी बन्छु, असल नियतले राजनीति गर्छु र असल नागरिक भएर राजनीति गर्छु भन्न जसले पनि पाइन्छ,’ श्रेष्ठले भने, ’त्यसैले मनांगे राप्रपाको अध्यक्ष हुनुलाई अस्वाभाविक मान्न मिल्दैन।’

मनाङमा कांग्रेस भन्दा अघि राप्रपा

गत संविधानसभा चुनावमा मनाङमा कांग्रेसका टेकबहादुर गुरुङले १४ सय मत ल्याएर जितेका थिए । राप्रपाले ११ सय र राप्रपा नेपालले ६ सय मत ल्याएको थियो। दुई राप्रपा एक हुँदा मनाङमा राप्रपा बलियो देखिएको थियो ।

मनांगे प्रवेश गरेपछि राप्रपा बलियो भएको प्रवक्ता श्रेष्ठले जानकारी दिए। मनाङमा निर्वाचन हुँदा काठमाडौंबाट भोटरलाई हेलिकोप्टरमा लगेर दलहरूले आफ्नो दलमा भोट हाल्न लगाउने गरेका छन्।