Monday 17th January 2022

    एक्शन, सस्पेन्स र प्रेममा आधारित वेवसिरिज “तिमी बिना” रिलिज    तिमिलाई रुन दिन्न भन्दै बजारमा आए गायक कृष्ण काफ्ले    सीमा नाकामा उच्च सतर्कता    सुदूरपश्चिम प्रदेशमा माघ २ गते सार्वजनिक विदा    रुबी भ्यालीको पहिरोमा पुरिएकाहरु अझै भेटिएनन्

२ करोड ऋण लगेपछी भारतको रेल्वे ट्रयाकमा बिस्फोट

Tuesday, February 7, 2017 National Power

माघ २५, काठमाडौँ – गएको नोभेम्बर २० मा भारतको कानपुर स्थित पुखरायमा रेल्वे ट्रयाकमा विस्फोट भयो । विस्फोटमा परि १५१ जना भन्दा बढीको ज्यान गएको थियो । केही समयमा नै उक्त्त विस्फोटमा नेपालीको हात रहेको भन्दै भारतीय संचारमाध्यमले समाचार सम्प्रेषण गरेको थियो । यस पछि भारतीय र नेपाल प्रहरीले घटनाको कनेक्सन खोतल्न सुरु ग¥यो । र अन्ततः उक्त घटनामा पाकिस्तानी खुपिया एजेन्सीसंग साँठगाँठ रहेका भनिएका व्यक्तिको संmग्नता रहेको भन्दै काठमाडौँबाट समसुल होदालाई पक्राउ गरी सार्वजनिक गरेको छ ।
२०७० सालमा भएको दोस्रो संविधानसभा निर्वाचनमा सभाषद्को उम्मेद्वार थिए रहेका होदा बारामा हुन । चुनावको बेला दुई करोड रुपैयाँ ऋण लागेपछि उनी आतंकारी गतिविधिमा संलग्न भएको पुष्टि भएको छ ।
त्यहि क्रममा खुल्यो, नेपालमा आइएसआइको एजेन्टका रुपमा काम गर्दै आएका बाराको कलैया घर भएका सम्शुल होदाकै निर्देशनमा दिपक र अरुणको हत्या भएको खुल्यो । विगत लामो समयदेखी दुवई बस्दै आएका होदाले नेपालमा आइएसआइको एजेन्टको रुपमा काम गर्दै आएको खुलेपछी नेपाल र भारतका प्रहरी उनको खोजिमा लागे ।
जाली नोटको कारोवार गर्दागर्दै दुबईको आपराधिक गिरोसँग भेटेका होदाले केही भारतीय र नेपाली युवाहरु प्रयोग गरेर नेपाल भारत सिमानको रेल्वे ट्रयाकमा बम राख्न लगाएका थिए ।
काम नभएपछि दिपक र अरुणलाइ बाराको जंगलमा बोलाएर बृज किशोर गिरीले कलैया नगरपालिका वडा नम्बर १० रंगपुरका मोजाहिदिन अन्सारी र शम्भु भन्ने लड्डुको सहयोगमा घाँटी रेटेर हत्या गरेको प्रहरी स्रोतले जनाएको छ । हत्यामा संलग्न गिरी, अन्सारी र लड्डुलाइ नेपाल प्रहरीले पक्राउ गरेर अनुसन्धान गरिरहेको छ । गिरीलाइ नेपाल प्रहरी र विशेष ब्युरोको टोलीले पुष १५ गते पर्साको बिजबनिया गाविस वडा नम्बर ७ गढैया टोलबाट गोली हानेर पक्राउ गरेको थियो ।