अखिलका विद्यार्थीहरुले संयोजक र पदाधिकारीलाई कार्यकक्षमा थुने

१७ फागुन,चितवन । एमाले निकट अखिलका विद्यार्थीहरुले चितवनको भरतपुरमा रहेको बीरेन्द्र क्याम्पसका प्रमुखसहित निर्वाचन समितिका संयोजक र पदाधिकारीलाई सोमबार दिनभर कार्यकक्षमा थुनेका छन् ।
क्याम्पस प्रमुख गोविन्द सापकोटा, प्रमुख निर्वाचन अधिकृत डा। राजेन्द्र रेग्मी सहितका पदाधिकारीहरुलाई विद्यार्थीहरुले विहानबाट कार्यकक्षमा थुनेका हुन । क्याम्पस प्रमुख र निर्वाचन अधिकृतको मिलोमतोमा स्ववियु चुनाव विथोल्न खोजेको आरोप अखिलका नेताहरुले लगाएका छन् ।
चितवनका अनेरास्ववियुका अध्यक्ष देवप्रसाद पाठकले क्याम्पस प्रमुख सापकोटा र प्रमुख निर्वाचन अधिकृत रेग्मीले कांग्रेस चितवनको निर्देशनमा १८ गतेको स्ववियु निर्वाचन विथोल्न अनेक तरिकाले षडयन्त्र गरेको, निर्वाचनको तयारी अघि नबढाएको आरोप लगाए । बीरेन्द्र बहुमुखी क्याम्पस चितवनमा एमाले निकटका विद्यार्थी नेता लिलाराम पौडेलको नेतृत्वमा अखिल क्रान्तिकारी९मोहन वैद्य० र अखिल क्रान्तिकारी९विप्लप० संयुक्त प्यानल खडा गरिएको छ भने माओवादी केन्द्र र नयाँ शक्तिको भिन्न भिन्नै प्यानल रहेका छन् ।