इरानमा १७ तले भवन खस्दा कम्तिमा २५ अग्निनियन्त्रकको मृत्यु

इरानको राजधानी तेहरानमा १७ तले भवन आगो लागेर खस्दा कम्तिमा २५ जना अग्निनियन्त्रकको मृत्यु भएको छ ।

आगलागी भएको १७ तले प्लास्को भवनलाई जोगाउन करिब २ सयको संख्यामा अग्निनियन्त्रकहरुको प्रयास गरिरहेका थिए जब भवन अचानक ढल्न पुग्छ ।

उद्दारकर्मीहरुले भगनावशेषमा हराइरहेकाहरुको खोजी गरिरहेका छन् ।

सन् १९६२ मा बनेको उक्त भवन तेहरानको सबैभन्दा अग्लो भवन थियो ।

भवनको नवौँ तलामा स्थानीय समयअनुसार बिहान ८ बजेदेखि आगलागी शुरु भएको थियो ।

आगालागी नियन्त्रण गर्न कयौँ अग्निनियन्त्रक भवनमा नै रहेका थिए ।

राष्ट्रपति हसान रुहानीले घटनाको छानविन गर्न निर्देशन दिएका थिए ।

स्थानीय मिडियाका अनुसार यसअघि पनि भवनमा आगलागी भएको थियो ।