जाेकाेभिककाे अप्रत्यासित हार, अस्ट्रेलियन ओपनबाट बाहिरिए

डिफेन्डिङ च्याम्पियन नोभाक जोकोभिच ११७ औँ वरियतामा रहेका डेनिस इस्टोमिनसँग अप्रत्यासितरुपमा पराजित हुँदै अस्ट्रेलियन ओपनबाट बाहिरिएका छन् ।

छ पटकका विजेताले खेलमा लय पक्रन नसक्दा ४ घण्टा ४८ मिनेटको खेलपछि ७–६ (१०–८), ५–७, २–६, ७–६ (७–५) र ६–४ ले पराजित हुँदै प्रतियोगिताबाट बाहिरिएका हुन् ।

सन् २००८ को विम्बेल्डनपछि कुनै पनि ग्राण्ड स्लाम प्रतियोगिताको दोस्रो चरणबाटै २९ वर्षीय जोकोभिच बाहिरिएको यो पहिलो अवसर हो ।

नतिजासँगै अस्ट्रेलियन ओपनको उपाधि जित्न विश्व नम्बर १ एन्डी मुर्रे प्रबल दाबेदार बनेका छन् ।

मुर्रे यसअघि नै प्रतियोगिताको तेस्रो चरणमा पुगेका छन् ।

मेलबर्नमा पछिल्ला ७ वर्षमा ५ वटा फाइनल गुमाएका मर्रेले त्यसमध्ये चार फाइनल जोकोभिचसँग हारेका थिए ।