वडाअध्यक्षको घरमा कुपन कार्यकर्ताको पाखुरामा कोरोनाको भ्याक्सिन

बनेपा- बनेपा नगरपालिका बडा नं ८ का बडाअध्यक्ष दानबहादुर मानन्धरको घरमा बनेको कुपन बाँडेर भटाभट कांग्रेसका कार्यकर्ताले कोरोनाको भ्याक्सिन लगाउन थालेपछि बनेपा खोप केन्द्र लायकुमा हंगामा भएको छ ।
५० बर्ष उमेर समुहभन्दा माथिका नागरिकलाई खोप लगाउने सूचना पाएर व्यवस्थित ढंगले लाइनमा बसेका बनेपालीले कोरोनाको खोप लगाउन नपाउने भएपछि एकैछिन खोप केन्द्रमै प्रहरी समेत आउने अवस्था सृजना भएको थियो ।
घरमा कुपन बनाएर खोपका लागि बाड्ने योजनाको बारेमा बडा सदस्यलाई खबर समेत गरिएको थिएन । एक बडा सदस्यले आफूलाई त्यस बारेमा केही थाहा नभएको बताए ।
बडाअध्यक्षले भने घरमा कुपन बनाएर आफ्ना कार्यकर्तालाई मात्रै लगाउन लगाएको भन्दै सामाजिक संञ्जालमा समेत त्यसको विरोध गरिएको छ ।
बनेपामै मेयरले आफ्ना कार्यकर्तालाई मात्रै खोप लगाएकोे भनेर नेपाली कांग्रेस निकट विद्यार्थी र कार्यकर्ताले विरोध जनाएपनि आफ्नो पार्टीको वडाअध्यक्षले काग्रेसका कार्यकर्तालाई मात्रै खोप लगाएपनि कसैले विरोध गरेका छैनन् ।
खोप केन्द्रमा समानुपातिक रुपमा खोप नलगाएकाले गुनासो आएर प्रहरी आउनु पर्ने वातावरण सृजना हुनु पक्कै पनि राम्रो नरहेको वडाअध्यक्षका प्रत्यासी नवराज मानन्धरले भन्नुभयो । सबै जनता समान भएकाले पँहुचको आधारमा कसैले घरमा बनाएर ल्याएको खोप पाउने कसैले भने सरकारले दिएको मापदण्डमा समेत खोप नपाउनु दुभाग्र्य भएको मानन्धरले बताउनुभयो ।
काभ्रेकै केही स्थानीय तहमा ४० बर्ष उमेर समुहकाहरुलाई खोप दिन सुरु भएको छ ।