छायाँछबि तीज नारी सम्मानको घोषणा, कलाकार दिपशा बि.सी.को स्मृतिमा छायाँछविले पुरस्कार प्रदान गर्ने

काठमाण्डौ – छायाँछबि क्रियशनद्धारा आयोजित ११ औं संस्करणको छायाँछबि तीज म्युजिक अवार्ड २०८१ को अवसरमा चर्चित मोडल स्व. दिपाशा बि.सी.को स्मृतिमा यस वर्षदेखी छाँयाछवि दिपाशा स्मृति पुरस्कार प्रदान गरिने भएको छ । एघार हजार रुपैयाको नगद राशी, सम्मान पत्र, दोसल्ला सहितको छाँयाछवि दिपाशा स्मृति पुरस्कार यस बर्ष चर्चित मोडल तथा म्यूजिक भिडियो कलाकार संघको निवर्तमान अध्यक्ष अञ्जु निरौलालाई प्रदान गरिने भएको हो ।

त्यसैगरी ११ औं छायाँछबि तीज म्युजिक अवार्ड २०८१ मा मोडल सिम्रन दुलाल –कुसुम), पत्रकार बर्षा खनाल, गायिका बबिना भट्टराई, बरिष्ठ सौन्दर्यविद् चुनु थापा र लोक गायिका सञ्जु न्यौपानेलाई छायाँछबि तीज नारीद्धारा सम्मानित गरिने भएको छ । यो सम्मान आ–आफ्नो क्षेत्रलाई विशिष्ठ योगदान दिए बापत सम्मानित गर्न लागिएकोे आयोजक छायाँछबि क्रियशन अध्यक्ष शान्तिप्रियले बताएका छन् ।

नेपाली चलचित्र तथा गीत संगीतको प्रबद्र्धनमा बिगत लामो समयदेखी सक्रिय रहेको छाँयाछवि क्रियशनले नेपाली कलाकारिता क्षेत्रमा कार्य गर्दै आएका नयाँ तथा पुराना कलाकारहरुलाई सम्मान, प्रोत्साहन तथा हौशला प्रदान गर्दै आईरहेको छ । कार्यक्रम यहि भाद्र १८ गते काठमाण्डौ स्थित विजी बैंक्यूटमा सम्पन्न हुन गैरहेको छ।