द्रौपर्दी मुर्मुले भनिन्, ‘नेपाल र भारतबीचको सम्बन्ध चाँडै नै नयाँ उचाई पुग्ने कुरामा विश्वस्त छु’

काठमाडौं -भारतकी नवनिर्वाचित राष्ट्रपति दौपदी मुर्मुले आफू नेपाल र भारतबीचको सम्बनध चाँडै नै नयाँ उचाईमा पुग्ने कुरामा विश्वस्त भएको बताएकी छिन् । मुर्मुले नेपालका प्रधानमन्त्री शेरबहादुर देउवाले ट्वीटरमार्फत् दिएको बधाई सन्देशको जवाफमा सो कुरा बताएकी छिन् ।

उनले देउवाको ट्वीटको जवाफमा लेखेकी छिन्, ‘धन्यवाद नेपालका प्रधानमन्त्री श्री शेर बहादुर देउवा । हो, नेपाल र भारतबीचको उत्कृष्ट मित्रता र महान सम्बन्धले छिट्टै नै नयाँ उचाई चुम्ने कुरामा म विश्वस्त छु ।’ यसअघि देउवाले मुर्मुलाई बधाई दिँदै नेपाल र भारतबीचको सम्बन्ध भोलिका दिनमा नयाँ उचाईमा पुग्नेमा आफू ढुक्क भएको बताएका थिए ।