दुई दिने बृहत सांस्कृतिक तथा सम्मान कार्यक्रम सम्पन्न

काठमाडौं- नेपाल सांस्कृतिक कला मन्दिरको आयोजनामा दुई दिने बृहत् सांस्कृतिक तथा सम्मान कार्यक्रम सम्पन्न भएको छ । कलाकार, पत्रकार र समाजमा उल्लेखनीय योगदान दिने विभिन्न व्यक्तित्वलाई कार्यक्रममा सम्मान गरिएको थियो । कला मन्दिरको आयोजनामा फागुण २७ र २८ गते चन्द्रागिरि, मच्छेगाउँमा कार्यक्रम सम्पन्न भएको हो । कार्यक्रममा लोकप्रिय कलाकारको मनोरञ्जनात्मक सांगीतिक प्रस्तुति रहेको थियो भने विभिन्न कला संस्कृति झल्कने नृत्य प्रस्तुत गरिएको थियो ।

पूर्वमन्त्री राजेन्द्रकुमार केसीद्वारा उद्घाटन गरिएको कार्यक्रमको विशेष अतिथिमा चन्द्रगिरि नगर प्रमुख घनश्याम गिरि, पूर्वगृहराज्य मन्त्री इन्द्र बानियाँको प्रमुख आतिथ्यतामा सम्पन्न भएको थियो । सो अवसरमा पत्रकारद्वय सानुकाजी श्रेष्ठ र विष्णु सुवेदीका साथै गायिकाहरू रचना रिमाल, समीक्षा अधिकारी, अस्मिता अधिकारी, गायक पदम राई, निर्देशक श्यामराज श्रेष्ठ, मोडल साक्षी लम्साल लगायतलाई सम्मान गरिएको थियो । नेपालको मौलिक धर्म संस्कृति परम्परा सम्बद्र्धन र संरक्षणका लागि वार्षिक रूपमा कार्यक्रम हुँदै आएको छ । रमेश शाहीको नेतृत्वमा २०५८ सालमा स्थापना भएको नेपाल सांस्कृतिक कला मन्दिरले कला संस्कृतिको संरक्षणका लागि विविध सांस्कृतिक कार्यक्रम गर्दै आएको छ ।