मलाई आवश्यक छ, तिमीलाई यो मुटुमा सजाउन

कसै, कसैलाई सन्तान, सजिलो छ जन्माउन । 
छोरालाई पितृ सम्पतिमा सजिलो छ रमाउन ।।

 हाम्रो देश नेपालमा गरीबको हालत पतला छ ।
 बाउआमालाई गाह्रो, छोराछोरी बिहे गरि अन्माउन ।।

 हामी सोझा नेपाली जनतालाई ढाँट, छल गरि । 
नेतागण र कर्मचारीलाई दाउ छ पैसा कमाउन ।। 

तै रानी मै रानी कसले भर्ला कुवाको पानी भने झैं । 
ठूलो पार्टी राहु छ, साना पार्टीहरूलाई दबाउन ।।

 ए कान्छी, ठुटे नेता र फुट्ने पार्टीको कुरा छाड्देउ ।
 मलाई आवश्यक छ, तिमीलाई यो मुटुमा सजाउन ।।

राजकुमार श्रेष्ठ, झापा ( हाल कतार )