जिल्लामा ७ हजार ३ सय मतदाता थपिए

११ भदौ, तेह्रथुम – तेह्रथुममा ७ हजार ३ सय ९१ मतदाता थपिएका छन् । जिल्ला निर्वाचन कार्यालयले सञ्चालन गरेको १ महिने अभियानमा ७ हजार ३ सय ९१ जना नयाँ मतदाता थपिएका हुन् ।

जिल्ला निर्वाचन कार्यालयले जिल्लाका दुई नगरपालिका र चार वटै गाउँपालिकामा पुगेर आगामी प्रदेश सभा र संघको निर्वाचन प्रयोजनका लागि मतदाता नामावली संकलन अभियान सन्चालन गरेको थियो । यो अभियानमा ३ हजार ६ सय ८४ महिला र ३ हजार ७ सय ७ जना पुरुष मतदाता थपिएको जिल्ला निर्वाचन अधिकारी निर्मलकुमार राईले बताए ।