रूसकाे रेल स्टेशनमा विस्फाेट, १० काे मृत्यु

चैत्र २२, रूस – रुसको सहर सेन्ट पिटर्सवर्गमा भएको एक बिष्फोटमा परी कम्तिमा १० जनाको मृत्यु भएको छ । शहरको एक अन्डरग्राउण्ड स्टेशनमा बिष्फोट भएको थियो ।
बिष्फोट लगत्तै सोसल मिडियामा पोष्ट गरिएका तस्बिरमा घाइतेहरुलाई यत्रतत्र छरिएको देखिएको छ ।

बिष्फोट लगत्तै रुसी राष्ट्रपति भ्लादिमिर पुटिनले अनुसन्धान जारी रहेको बताएका छन् । विभिन्न एजेन्सीमा प्रकाशित समाचार अनुसार घटनामा ५० जना भन्दा बढी घाइते भएका छन् ।
केही दिन अघि राष्ट्रपति पुटिन सेन्ट पिटर्सवर्ग आएका थिए ।
बिष्फोटपछि सेन्ट पिटर्सवर्गको अन्डरग्राउन्ट मेट्रोको सेवा बन्द गरिएको छ । यो विश्वकै १९ औं व्यस्त मेट्रो हो । जहाँ दैनिक २० लाख मानिस ओहोरदोहोर गर्छन् ।
बिष्फोटको जिम्मा एक इस्लामिक समूहले लिएको छ ।