चितुवाको आक्रमणबाट दुई घाइते

१८ चैत, मोरङ – चितुवाको आक्रमणबाट मोरङको पथरी शनिश्चरे–५ मा बिहीबार बेलुका दुईजना घाइते भएका छन् ।

घाइते हुनेमा पथरी शनिश्चरे–५ का ३५ वर्षीय अनिल धिमाल र सोही ठाउँका २२ वर्षीय पवन ऋषिदेव रहेकाछन् ।

साँझ ५ बजेतिर स्थानीयवासी योगेन्द्र थापाले लगाएको टिकको नर्सरी बारीमा काम गर्दै गरेका अनिललाई चितुवाले आक्रमण गरेपछि हेर्न भनी गएका पवनलाई समेत आक्रमण गरेको र स्थानीय अस्पतालमा उनीहरुको उपचार भइरहेको इलाका प्रहरी कार्यालय पथरीले जनाएको छ ।