४ चैत भारत – भारत उत्तर प्रदेशको राजधानी लखनउसँग जोडिएको उन्नाव जिल्लाको एक गाउँमा युवतीको बलात्कार भएको र बलात्कार गर्नेका भाइले पीडित युवतीको दुबै आँखा फुटाइदिएको घटना सार्बजनिक भएको छ ।
बिहान घरबाट करिब १ सय मिटर टाढा शौचका लागि गएको बेला घटना उन्नावको बलदेव खेडा गाउँमा १९ वर्षकी युवतीलाई एक युवकले बलात्कार गरेका थिए । यो घटना निकै गम्भीर छ र आरोपीहरुलाई छिट्टै पक्रेर कडा सजाय दिलाइनेछ, उत्तर प्रदेश पुलिस महानिर्देशक जावीद अहमदले लखनउमा पत्रकारहरुलाई जानकारी दिदै भनेका थिए ।
प्रहरीका अनुसार यी युवती यसअघि १५ मई सन् २०१५ मा आफ्नो घर छेउँमा चौपाया चराइरहेको बेला पनि बलात्कृत भएकी थिइन् । त्यतिबेला छिमेकी जोधाखेडा गाउँका दुई व्यक्ति मुन्ना र मतईले उनलाई सामूहिक बलात्कार गरे । पीडित युवती उन्नावको एक कलेजमा स्नातक तह अध्ययनरत छात्रा हुन् र उनको बुवा एक सामान्य किसान हुन् ।